唔笑唔收貨囉！﹙設計對白﹚

忽然去片

杜汶澤有幾好笑先?

2012年08月03日 ~~ 第888期 忽然１周

講起杜汶澤，大家一定諗到「搞笑」兩個字，跟住就會問：「今次有幾好笑先？」。係咯，媽咪姐都係咁諗，但睇完今期「單人訪」段片，見佢手口並用，講自己有病嗰時，連噴止汗劑都會噴錯
落個嘴，真係笑中有淚。不過，跟手睇埋杜生落旺角戲院，嗰段講鹹嘢又爆粗嘅謝票片段，就感覺「傻強」未死，笑到斷咗氣。唏，都係咪諗咁多，不如笑咗先講！

《忽周》睇真啲正片唔好 miss！


病發重演




謝票騷

子薑可以做甜品？


今期「 Cooking in 2」教人整子薑兩食，鍾意鹹嘅，可以做蜜餞子薑雞，但媽咪姐重點推介呢，就係子薑椰絲卷嘞！講真吖，自己耐唔耐都會整吓子薑雞嚟食，但見廚師用卷皮包住子薑粒同椰絲，再拎去煎，呢款甜品似乎唔難做喎！味道仲酸酸辣辣甜甜，幾 fresh！一於試吓。





睇樓學去釘！


大家應該記得媽咪姐係「星悅居」呢個欄目嘅忠實粉絲！今期真係勁呀，可以睇勻創作女歌手胡琳間屋之外，佢仲教大家點樣整至愛嘅菠蘿西柚汁。唔睇都唔知，原來起菠蘿釘可以學胡琳咁，好似切橙咁切開，再切皮去釘。咦，又學到嘢喎！





arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄