認住我！我係「黑妹」！（設計對白）
下周一（ 6日）就 25歲嘅葉姵延，以局數 2： 1反勝代表法國嘅前中國國家隊隊員、 33歲嘅皮紅艷，後生可畏！路透社圖片
媽咪姐
倫奧創歷史 葉姵延好 rock
呢排全城奧運，媽咪姐梗無執輸！日日坐定喺張按摩椅，對住個電視機狂嗌。早幾日，就睇住我哋香港羽毛球代表「黑妹」葉姵延點樣喺落後之下，最後反勝，直落兩盤打贏南韓嘅成池鉉，殺入女單十六強。跟住周三（ 1日）又喺直播見住佢擊敗法國宿敵皮紅艷，歷史性殺入奧運女單八強！ Yeah！都話香港運動員唔係垃圾！「黑妹」贏咗嗰刻握拳狂呼，媽咪姐都忍唔住大嗌呀，好彩隔籬屋李太無投訴啫。
「黑妹」贏成池鉉後，呢個跪地狂呼 pose，可謂經典！但佢夾 band夾到 high嗰時，其實都有鋪跪地癮，鍾意 Beyond嘅佢，果然係烈女。《蘋果日報》圖片
更加意想不到嘅係，呢位女猛將原來好 rock得，佢同全國空手道冠軍張均樂 Jack（ 55公斤以下）同李嘉維 Jimmy（ 84公斤以下）合組咗體院第一隊 band「 Jimmy Jack& Black」。「黑妹」仲同媽咪姐講，未來想創作多啲勵志歌鼓勵其他年青人㖭。國民教育咪就係應該教呢啲囉！
黃曉盈
港隊另一體操女將黃曉盈（ Angel）亦自創「前空翻 180度上平衡木」，將成為首位獲國際體操聯會頒發冠名權嘅香港人，呢個動作應該會命名為「黃曉盈 Angel上法」，威到呢！
理大時裝設計系畢業嘅佢，除咗自創動作，又自製體操衣，仲可以彈住結他同媽媽 jam歌，認真多才多藝。《蘋果日報》圖片
彈得唱得《蘋果日報》圖片
全站熱搜
留言列表
{{ article.title }}
