插圖: Wendy

揞名爆

「三角眼」禁室藏女扮單身

2012年07月27日 ~~ 第887期 忽然1周

係人都知「三角眼」入行以來,最鍾意結識異性,除咗通晒天嗰幾個,好似「才女歌星」、「寶島童顏」同「豬皮蘿蔔」之外,圈內人都知佢喺出面其實都有唔少「紅顏知己」,總之就好鬼忙啦!

最近媽咪姐仲收到風,話「三角眼」近年原來秘密收埋咗圈外女友喺屋企,玩「禁室互動」。不過,玩慣嘅佢好醒嘅!猛同個女仔講,話自己做娛樂圈,拍拖要低調,唔係會影響事業喎。於是兩個人從來唔會一齊出入大廈,亦極少喺公眾場所拍拖,連「三角眼」嘅朋友圈,亦只係得幾個知有呢個「正印」嘅存在。
Well,但「三角眼」係咪就咁放棄成個「森林」呢?傻豬嚟嘅!雖然佢同 friend講,話鍾意圈外「正印」夠單純啫,但喺出面「行走江湖」就一直宣稱自己係「單身」!從來無「守身」㗎。話咁快啫,寂寞芳心「豬皮蘿蔔」咪又上釣囉。所以話呢,阿媽教落呢個世界壞人真係多,我哋做女人嘅,點可以唔帶眼識人呢?

arrow
arrow
    全站熱搜

    tvb4life 發表在 痞客邦 留言(0) 人氣()