向太扶實上機
上周五（ 20日）下晝兩點，關之琳同向太已經坐直升機飛去澳門為當晚活動做準備。一身輕便打扮嘅關之琳喺停機坪上行得輕鬆，但向太依然唔放心，扶住關嘅纖腰上機。
媽咪姐
關之琳有向太護法
娛圈人心難測，要搵一個真正知己難過登天。今年 49歲，已經再三重申唔會拍戲捱更抵夜嘅關之琳，有金錢有男人之外，老死亦大把！
上周五（ 20日），關之琳罕有出席澳門名錶活動。一身雪紡長裙嘅佢，當然艷光不減，仲惹嚟名錶公司老外高層垂涎，活動上俾佢攬住條腰唔肯放。呢個時候，向太立即出手解圍，一支箭走埋去布景板，表面上同老外打交道，實則一手拉開關之琳，認真高招。唔單止幫手擋退老外嘅「魔術手」，向太呢日仲化身和事老，叫埋呂良偉同老婆楊小娟一齊嚟撐場。話說前年《忽周》影到關之琳同陳泰銘喺巴黎甜蜜拖手，有份去巴黎嘅楊小娟就被指係放料人，搞到關同楊不瞅不睬。如今事過境遷，關之琳亦即場表明同楊小娟「 friendship冇變」，相信向太今次真係出咗唔少力喇！
遞手隔老外
老外高層攬住關之琳纖腰影相，仲愈攬愈高，關惟有提起隻手，既可以騷錶掂廣告客戶，又可以隔住老外。
向太相救
老外唔肯收手，向太於是上前拉走關之琳。難得嘅係關依然笑晒口望住個老外，表現大方。
拖埋楊小娟
之後向太仲叫呂良偉同楊小娟一齊出嚟同關之琳影相，當時楊小娟表情的確有啲尷尬。與此同時，向太立即攝咗去老外隔籬，老外對住關之琳，得個望字。
全站熱搜
留言列表
{{ article.title }}
