1星期跳足 5日，為新歌〈狠狠〉排舞， Kary身形 fit爆，她私下同朋友講︰「 𠵱家唔搏等幾時？」
唔搏等幾時！（真實對白）
耍花槍
男友禁性感惹狼 吳雨霏炒大鑊冷戰
隨着謝安琪離巢定局，今年環球集中火力谷吳雨霏 Kary上位，準備入紙申請紅館再開騷，據知公司嫌 Kary唔夠話題性，下令轉型行性感，誓做勁舞 diva。
鬼妹仔 Kary當然無所謂，新碟已經着晒泳衣落水，不過剛剛復合 2個月的男友 Brian就睇到眼火爆。據知兩人因此炒大鑊兼冷戰，但 Kary仍懶理男友感受︰「佢唔鍾意都冇辦法！」
Mr.澳門開騷，擔任嘉賓的 Kary大玩 tube top SM味造型，唱片公司見 fans受落，即刻叫 Kary再操 fit，繼續 sexy！
眼見同期對手薛凱琪紅館騷搞得有聲有色，去年簽約環球旗下的新藝寶， 26歲 Kary亦不敢怠慢，趁住今個月出碟，唱片公司要 Kary搞花臣，要吸 fans最快捷方法就是性感。
睇到眼火爆
知情人士說︰「其實 Kary簽約 嗰陣都話要力谷，但當時撞正 Kay解約，公司未夠全力配合， 𠵱家 Kay走人， Kary又講到明咩都可以配合，又話性感無底線，梗係睇重佢啦。」
被踢爆跟前網球王子男友洪立熙 Brian同遊布吉復合，但據知 Brian好難接受 Kary忽然變小野貓，加上為 Kary度身訂做性感 look的緋聞情人、形象指導馬天佑，近來與 Kary密密見。男友復合 2個月，眼見 Kary愈着愈少，男友更眼火爆。知情人士續說︰「初初 Brian只係伊伊哦哦，睇完 Kary新碟 啲相，真係動真火，但 Kary今次企得好硬。」
激嬲男友， Kary解釋︰「明年紅館的確係有計劃，第 2次開都想有新鮮感，因為要跳舞，最緊要係型格，性感少少都冇所謂。（男友投訴？）我公私好分明，佢唔鍾意都冇辦法！老實講，我呢排日日都 喺排舞室，想跳好隻舞先，而且大家都係成年人，應該要支持我。」難得復合，小心又散喎！
之前拍拖 4年，分手 1年多復合， 2人即刻到布吉旅行兼為 Kary慶祝生日， Brian視 Kary為結婚對象，但女方事業正值衝刺期，男友只可以隻眼開、隻眼閉。網上圖片
《蘋果日報》圖片
瘦到現胸骨的 Kay自演唱會之後，膝頭舊患一直痛， 𠵱家瞓覺都要紮住，每次練舞都要花多些時間拉筋。
馬天佑是當時得令的形象指導， Kary非常信任，但眼見女友愈着愈少， Kary又曾經跟馬天佑傳緋聞，據知 Brian對 Kary這位密友有所不滿。網上圖片
當年簽約新藝寶，撞正謝安琪跟公司炒大鑊，紅館計劃亦一直延期，最近環球高層黃劍濤終於向紅館入紙。
2線搶灘
33歲
天后級人馬 Kelly、千嬅已為人母， Sammi又待嫁，仲取消埋年尾演唱會，造就薛凱琪、 Kary、王菀之， 3位女歌手都開過紅館個人演唱會，排住隊等上一線。
王菀之落實添食
入行 7年，唔賣樣的王菀之，齋賣聲都 keep到 fans，上年兩場《水．百合》演唱會， 3位音樂總監加 42人弦樂隊，被喻為紅館的「 Art Show」，贏盡口碑；今年亦再入紙紅館申請再開騷。 
30歲
薛凱琪內地巡唱
歌影發展的 Fiona，入行 8年終於開個唱，叫好又叫座，今年憑內地劇《畫皮》吸納不少內地 fans，唱片公司計劃為她搞巡唱，食住個勢上，正式打入內地市場。 
留言列表
{{ article.title }}
