冇化妝 嘅 Ada已經有啲驚嚇，嬲 咗成村人個樣就更加得人驚。話晒都係公眾人物，下次黑面唔該戴番副黑超 吖！

媽咪姐

蔡少芬黑面遊街

2012年07月20日 ~~ 第886期 忽然１周

藝人有多重性格唔出奇，鏡頭前笑晒好似好親民，鏡頭後藐嘴藐舌勁乞人憎嘅，亦大有人在！媽咪姐早已見慣不怪。蔡少芬就唔同嘞，佢直腸直肚，喜惡分明，上次 喺橫店見記者探班，湊住個女唔多耐煩 嘅佢聲大大話：「你 哋問咩我都唔會答，鍾意寫乜就寫乜，總之唔好阻住我湊女。」


唔等老公
Ada同老公張晉（左一）泊好車步出停車場。女 嘅口黑面黑，男 嘅頭耷耷，唔使問阿貴，九成係鬧緊交。

惡成咁，難得老公張晉亦好就得佢，平時俾佢話晒事。上星期三（ 11日），媽咪姐 喺中環見到兩公婆前後腳行出停車場，見佢 哋貌合神離，唔知係咪鬧緊交呢？之後張晉一個箭步追番老婆，但 Ada塊面黑過包公，見到鏡頭仲差 啲啤到眼出火。做 咗人阿媽仲咁好火，睇 嚟佢要飲「太太好大力」喎。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄