書房是李霖恩另一個小天地，盡是他的珍藏。「呢個琴 8歲彈到依家，其實近年都冇掂，早排拍《誰家灶頭無煙火》要彈琴，先再練番。」
星悅居
李霖恩 幸福無間屋
7月 1日，梁振英正式上任做新一屆特首，同一天，保安局局長李少光離任，疊埋心水湊孫及旅遊，逍遙自在享受人生。
李少光兒子李霖恩，現與太太、三歲囡囡和剛出世僅一星期的龍仔，一家四口住在父親買給他，位於沙田千三呎寓所，與父母住在樓上樓下，互相照應。省回供樓費用，就連物業裝修亦慳番。「呢間屋上手業主係 Ada（蔡少芬），佢住 嗰陣已經裝修得好骨子，客廳、書房同睡房都打通晒，無間隔感覺好開揚，我就咁搬 啲傢俬入 嚟住已經搞掂。」摸着酒杯底的李霖恩寫意地說。
李霖恩幸福無間屋
08年，為使剛結婚誕女的兒子有個安樂窩，外表嚴肅的李少光，以 550萬購入蔡少芬位於沙田碧濤花園千三呎單位。「老竇從來唔會開口讚我，講 嘢又冇乜表情，但我知佢好錫我，想我 哋住得闊落 啲。 嗰時 Ada放呢層樓，而毛毛姐（毛舜筠）又知老竇想買樓俾我住，咁佢就做中間人，介紹我 哋識囉！」
太太方燕凌
大女 Gianna
《蘋果日報》圖片
原本與愛妻和女兒一家三口生活的李霖恩，一周前再誕下兒子，湊成「好」字。不過千三呎家夠闊落，再生多個都應該冇問題。
一梯三伙自己友
前保安局局長李少光為人嚴肅，但對兒子李霖恩的照顧卻是無微不至。《壹週刊》圖片
除了與父母樓上樓下有個照應，李霖恩所住的單位，一梯三伙全是自己友。毛舜筠一家住在李霖恩對面一個三千呎相連單位，而陳法蓉則住在毗鄰向山景單位。「我同毛毛姐熟，係因為我 哋之前拍《天天天晴》日對夜對熟絡 咗， 喺佢身上真係學到好多 嘢。佢好錫我個女，我 哋間中會成家過佢度傾偈，講耶穌、湊吓女，都幾開心。」
寬闊客廳
客廳與書房採用開放式設計，兩者之間只有一牆之隔，「買電視機嗰陣冇諗到個廳咁闊， 42吋電視機相對嚟講太細，不過我喺房睇多，呢部主要招呼朋友打機。」
今年 8歲的純種短毛「絲絲」是李霖恩的「大女」，好喜歡戀在「爸爸」旁邊受寵。「我啲朋友搞自家繁殖場，我都養咗佢 8年，當正親生女啦！」
生咗第一個女後，客廳騰出空間擺放米奇老鼠櫃桶，方便阿女隨時摷玩具。「雖然唔夠型，不過都冇辦法啦，阿女大晒嘛！」
書房窗台放了第一代高達老虎機，盛惠 5千。「每次搬屋都話嘥位，想扔，但每次都唔捨得，因為真係型嘛！」
玻璃睡房
睡房對着翠綠山景，以玻璃門做間隔，因此房間即使唔開燈依然光潔明亮。李霖恩與太太都喜歡攤在 king size牀上看電視。
透明浴室
以透明玻璃做主調的主人房浴室，浴室門同樣採用玻璃，李說待小朋友長大後，便會改用木門。
白色之家
李霖恩的家以白色為主調，客廳與書房只有一幅牆分隔，至於睡房亦只用一塊大玻璃取代實牆。無遮無掩，整間屋感覺光潔明亮。「其實將成間屋打通變做 studio flat係 Ada諗 嘅，原本書房同廳冇牆，係我搬入 嚟之後至加番上去，因為想有少少自己空間，可以睇吓書，上吓網。遲 啲小朋友大 咗，我 哋就會間番間房俾佢 哋住，始終小朋友都要有自己空間嘛！」
迷你小酒吧加射燈，令珍藏一目了然。「其實呢度啲酒主要用嚟宴客，我唔好烈酒㗎，有朋友嚟就調啲 cocktail俾佢哋飲之嘛！但最主要係因為型囉！」
李霖恩表示熟悉法國 Burgundy產區的酒迷，對該區傳奇人物 Henri Jayer所釀的酒定必趨之若 ，而李亦珍藏了多支，這是 86年的 Henri Jayer紅酒，「呢支嘢攞出去拍賣，叫價應該 3萬。」
平面圖
書櫃有數百本珍藏的酒書，不同種類，一目了然，令李霖恩引以為傲。「我夠膽講以一個自修者來說，我啲書肯定係最齊。」難怪在電視劇《心戰》中，李向監製自薦做酒保。
品酒專家
李霖恩嗜酒，甫進家門便發現一大個玻璃酒櫃，放置百多種不同款式烈酒，置身酒吧一樣。他對酒的熟悉程度，絕對專業，記者看到書櫃的過百本酒書，以為置身 Page One。 06年李開始學品酒，並考獲調酒師專業資格，近日更自修澳洲 Charles Sturt大學的葡萄種植課程，做一個真正識嘆紅酒的人。「飲紅酒真係使咗好多錢，但我唔知自己下一秒仲有冇機會生存，依家唔飲等幾時？飲到支靚嘢，我會覺得就算死都抵咗啦！」絕對係典型今朝有酒今朝醉代表。
李霖恩閒時便會開支數千元紅酒嘆吓，價錢並不重要。「今日唔知聽日事，飲咗先講。」也對，可能 12月 21日真的世界末日呢？
女兒 Gianna剛滿月時，霖恩便開了一支 Henri Jayer的佳釀與家人慶祝。阿女笑容似足靚媽咪咁甜美。
在迪士尼買的戰利品，整套卡通人物印仔接近八百元。
李霖恩另一家中推介便是牆上這幅 3D立體相，盛惠 1萬元。「嗰時去美國賭城 honey moon影嘅，香港未有㗎，真係好貴。但依家竟然慢慢褪緊色，遲啲可能乜都睇唔到，吹脹！」
留言列表
{{ article.title }}
