Yo！印度人唱廣東歌使乜驚呀？﹙設計對白﹚

忽然去片

喬寶寶出手原來睇樓咁多 fun！

2012年06月29日 ~~ 第883期 忽然１周

自從《忽周》加咗「星悅居」呢個欄目，媽咪姐期期都追㗎，可以深入明星私竇喎，幾盞鬼！今期睇埋喬寶寶喺屋企高歌《衝呀！瘦薪兵團》嘅主題曲〈瘦薪族〉，更加忍唔住，笑咗出嚟！原來見住一個印度人用字正腔圓嘅廣東話唱歌，感覺係好唔真實，好 funny。值得留意嘅係喬寶寶唱歌之餘，仲有晒「造手」㗎！難怪成日有人搵佢登台，長做長有啦。












《忽周》睇真啲正片唔好 miss！

關之琳熟女逢春　好眼力！


49歲嘅關之琳，依然大把 market！早前佢就飛去印度，會合台灣富商陳泰銘，齊齊拜見大寶法王。大美人喎，睇相又點夠呢？媽咪姐梗係八八卦卦，睇埋條片，嘩！之之嗰兩條腿真係又白又滑呀！最勁嘅係，佢好快發現咗鏡頭，仲俾咗個凌厲嘅眼神㖭！邊個仲敢話眼大一定睇過龍先？





造餅師含淚念親恩　勁感動！


除咗明星專訪，每期「 VOICE」都會訪問一位有故事嘅香港人。媽咪姐今期就睇咗蛋糕師傅 Andy Li嘅訪問片段，佢講到自己研究整無糖蛋糕同糖花，都係為咗令有糖尿病嘅亡母開心，仲寄語年青人唔好嫌父母煩，「當有一日你再聽唔到呢把聲，你會好後悔……真係好後悔！」聽到呢番帶淚嘅真情剖白，媽咪姐真係有啲眼濕濕呀。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄