新郎哥拖住新娘子進場,細心留意,蔡立兒着住嘅係平底紅色拖鞋,加上佢肚凸凸個樣,孕味確係濃烈。

媽咪姐

蔡立兒歐陽德勛 婚禮夠星光

2012年06月29日 ~~ 第883期 忽然1周

今個星期一( 6月 25日),歐陽德勛同蔡立兒終於結束 16年愛情長跑, 喺尖沙嘴 The Mira筵開 12席擺酒結婚。雖然唔算大排筵席,不過新秀出身 嘅新郎哥特別多巨星朋友。除咗 BIG4做兄弟、 Sammi都俾面 嚟飲,加上外父蔡國慶亦請咗一班老戲骨,成個飲宴可謂星光熠熠。

不過焦點仍然落喺一對新人度。圓潤唔少 嘅蔡立兒喺白色婚紗之下,竟然着咗對紅色平底拖鞋,媽咪姐問佢係咪已經開始造人?佢話:「我 哋有共識婚後先考慮,順其自然啦,我身體唔好,又貧血甲狀腺又有問題,調理好身體先。」雖然蔡立兒否認有 咗,不過見佢肚凸凸,又着平底拖,你都咪話唔可疑!


一對新人同圈中人稔熟,姊妹、兄弟團都星光熠熠。


Sammi同安仔(圈)呢對情侶,當晚一前一後現身,男方一見女方,即怕羞避免入鏡,場面都幾搞笑。

群星七彩到賀




家燕黃甘甘
薛家燕由頭黃到落腳,離九丈遠都應該見到佢,燦眼到暈。


阿徐藍血人
向來潮爆嘅徐濠縈棄喜慶紅色,反傳統以一身寶藍色休閒服示人。


七彩格仔 Sammi
Sammi七彩格仔閃片褸襯西褲,穩陣中見潮味。嘴唇頸鏈更係畫龍點睛。

arrow
arrow
    全站熱搜

    stacylife 發表在 痞客邦 留言(0) 人氣()