媽咪姐

15五十年

2012年06月29日 ~~ 第883期 忽然1周

每年 7月 1日,係香港回歸紀念日,亦係香港市民上街示威之時。今年係新舊班子交接 嘅重要時刻,「阿爺」仲專登落 嚟做見證,但依家樓價高企、 CY僭建、貪曾禍港。媽咪姐同班藝人傾過呀,雖然個個都要開工搵食,但唔少人都打算當日去維園兜過圈。唔知有冇用㗎,不過都係 嗰句,回歸十五年,我哋要維持五十年不變嘅表達自由。

周秀娜: 7.1會上街


其實對 CY有期待,希望佢真心為香港,僭建係唔 啱,不過佢都即時認 咗錯。至於今年上街聲音比 03年仲要大, 嗰日我 喺香港 嘅話, 7.1都一定會上街。

黃婉曼:今年好有衝動去




CY未上任已經動作多多,叫停「雙非」又改組政府架構,不過佢同時推晒市民唔想要 嘅政策出嚟,咁我寧願佢係做唔到 嘢 嘅人囉!依家咁多怨氣,我今年都好有衝動去呀!

江欣燕: CY幾有型




CY望落幾有型 吖,佢僭建有乜所謂,佢老婆冇僭建咪得囉!佢都一人做事一人當呀,至於 7.1,要拍 嘢未必去啦!

鄭融:唔使開工會去遊行




回歸 15年,最大分別係 啲樓貴到買唔起。 CY未上任,未有往績,不過希望佢可以 㩒吓啲樓價。其實 7.1如果為嘈而嘈就唔會去,但為表達訴求 嘅話,唔使開工都會去。

袁彌明: CY狼頭豬腦




睇 CY對僭建 嘅解釋,就知佢係幼稚園水平啦,正一「狼頭豬腦」!回歸之後,新聞自由少 咗,傳媒亦自我審查得好緊要。 7.1嗰日,我由維園遊行到中聯辦。

黃貫中:憑良心去做




大家知我咩人, 7.1遊唔遊行,心裏有數!會憑良心去做。睇番 97到依家呢 15年,壞處唔使講,大家有眼睇,好處就係……我 哋仲未死囉!

王喜:唔輪到我 哋期望




其實回歸之後,最開心係有番個身份,因為 97前去日本,佢話我哋 British;入美國境,佢又話我係 HK。至於 CY僭建,其實佢唔使同我 哋交代,我 哋都冇份選佢,佢同 嗰一千幾百人交代咪得囉!

隔岸觀火


雖然話香港人政治冷感,不過大部分藝人都同媽咪姐講, 7.1會身體力行支持遊行,不過就唔包括已攞綠卡 嘅鍾嘉欣同陳智燊囉!


陳智燊:少理政治
唔係太認識政治,返 嚟香港唔係咁耐,感受唔深,唔會人去遊行自己又柴娃娃要去!


鍾嘉欣: 7.1冇感覺
返 嚟香港只係幾年,未經歷過殖民地時期 嘅香港,所以對 7.1冇感覺。至於 CY……佢僭建其實都唔關我事!

arrow
arrow
    全站熱搜

    stacylife 發表在 痞客邦 留言(0) 人氣()