昔日劉浩龍與何韻詩傳過緋聞又稱兄道弟，想不到一個屈尾十撬何韻詩牆腳。《蘋果日報》圖片
媽咪姐
為上位溝天后 劉浩龍被全城圍攻
上周驚爆「祖師戀」（容祖兒與劉浩龍）後，師兄（劉浩龍）急不及待高呼「我好喜歡佢！」雖然祖兒親撰聲明確認戀情，不過因為容祖兒、何韻詩 嘅非常關係，加上何韻詩同師兄又係好兄弟，搞到師兄被全城插爆，話佢「撬牆腳」、「勾義嫂」。
媽咪姐收到風，原來鍾意黐紅星玩 嘅師兄，自知 喺朋友圈中係最唔掂嘅一個，成日背後俾人話佢係「菠蘿雞」（意即一味靠黐）。為求升呢做阿哥，佢一早諗住學當年謝霆鋒追天后王菲咁，溝天后來升呢。今年初同一班朋友敍會時，忽然話：「我一定要溝天后！」當時班朋友以為佢飲大 咗，原來佢嚟真。
多年來被人睇死 嘅劉浩龍，急於將戀情公告天下，威番次俾人睇，可惜莫講話 fans，祖兒唱片公司老闆楊受成都出口寸爆，戀情睇嚟凍過水，卒之咪搞到今次被全城圍插囉！
自爆戀情
上周五（ 22日），劉浩龍
主動公開和祖兒的戀情，當日他有問必答，十分風騷。
期待 Mr.Right
祖兒周一（ 25日）微博的公開信中，透露她和何韻詩已分手，又表示希望「對先生」快些出現，可見師兄（劉浩龍）地位未穩。
認衰鞠躬
周一（ 25日）劉浩龍和劉心悠出席活動，由於他封口扮大佬，連累劉心悠獨自受訪淋雨。翌日他向心悠道歉，又解釋自己冇扮大佬。對楊受成不肯祝福戀情，師兄只好強顏歡笑。《蘋果日報》圖片
寸師兄有目的
《蘋果日報》圖片
楊受成周二（ 26日）被問及祖師戀，他明示祖兒事先未有知會他，言語之間亦令人覺得他有意棒打鴛鴦。
希望佢（容祖兒）開心，希望對方冇其他目的……查實劉浩龍都好笨，咁早件事都未穩健、未成熟就講出嚟！佢有咩目的我唔敢講，只覺得佢笨。
微博揭暗撻
睇番師兄同容祖兒嘅微博，其實都睇得出兩人暗撻，祖兒自揭每當寂寞時都會找師兄，當時何韻詩正因排演《賈寶玉》舞台劇而忙碌。
去年 10月
祖兒寂寞找師兄
今年 5月 14日何韻詩矇查查
何韻詩 5月中仍為師兄出騷打氣，可見她當時仍未知道祖師戀之事。
6月 1日祖師甜蜜合照
祖師到一家手機用品店參觀，兩人甜蜜地攞起閃爆的手機合照，就算明知照片被放上網，亦不避嫌。
6月 9日飲酒慶祝
師兄在網誌留言，話自己非常開心，更大嘆白酒，似為溝掂天后慶功兼示威。
6月 17日何韻詩發「刀插論」
何韻詩在容祖兒（ 6月 16日）生日派對上，才知道祖師戀，佢傷心到翌日在網誌上承認自己信錯人。
全城鬧爆
留言列表
{{ article.title }}
