倪匡撐開幕
Joe’s Billiards& Bar於 5月中開始營業, 6月 7日才舉行開幕禮,倪震帶埋老婆周慧敏與老竇倪匡為酒吧造勢,順便為倪匡補祝 77歲生日。當日有記者追問張茆結婚事件,令周慧敏一度黑面。

娛聞樂

搵周慧敏做生招牌 倪震桌球吧變 MK劈場

2012年06月29日 ~~ 第883期 忽然1周

倪震 06年開始與友人合資開桌球酒吧 JOE'S BILLIARDS& BAR,尖沙嘴及灣仔店都 keep住人流生意唔錯。即使曾非法上演無上裝艷舞,甚至涉嫌非法開賭驚動警方,都無損客人篤波掟飛鏢嘅雅興。
生意好,倪震同拍檔於五月踩入旺角,以月租廿萬開第三間分店。不過,本刊記者上周三( 20日)及六( 23日)午夜到旺角新場消遣時,發現客人不多,周六亦只得幾 枱 MK仔女圍埋食煙劈酒講粗口,場內不時聽見「聽枚!十個!開晒!」,更有「金毛飛」不勝酒力趴在 枱上瞓覺。倪震這間走高檔路線酒吧,淪為MK劈場,難怪要搵周慧敏做生招牌急救啦!

倪震 08年在夜店偷啜城大大陸女生張茆斷正,周慧敏不單冇離棄倪震,反而被冧掂在家中註冊結婚。後來倪震專注搞酒吧生意,同年更在尖沙嘴開分店,實行做個事業型男人。
兩間酒吧處於人流多的旺區,之前亦有一班熟客仔,生意早已上軌道,倪震當然唔會放過搵錢大好時機,今年 5月再在人流充沛的旺角開分店。不過旺角品流較複雜,客人未必喜歡掟飛鏢或打美式桌球。為進一步了解旺角新店,本刊記者特意到該店消遣,直擊店內情況。


老闆娘掟鏢
開張當晚倪震滿場飛,又邀請了八位日本鏢手示範表演。周慧敏雖然唔係專業鏢手,但為了支持老公都要擺個靚 pose俾記者影相。


灣仔總店打躉
倪震經常孖住周慧敏到灣仔王子酒店的總店打波,練波之餘又可做埋生招牌。唔知女神幾時又會到旺角谷宣傳呢?

室內違法吸煙


記者先選擇在上周三( 20日)晚上 11時去幫襯。現場所見,店內職員多過客人,全場得小貓三幾隻,至凌晨兩點都只有四、五 枱客。三日後,記者再到該店消遣,相信星期六午夜會熱鬧一點,但入場後依然未見旺場。最受歡迎的飛鏢機只有四、五個人,還有幾 枱廿幾歲的 MK仔女圍埋大聲猜枚劈酒,不時聽到粗口橫飛。其中一 枱三名金毛青年猜枚劈酒,有人酒精上腦索性趴在 枱上瞓覺。店內職員亦不阻止客人在店內吸煙,更主動每 枱派發用來盛煙灰的白碟,而店員也在店內吸煙,室內禁煙法蕩然無存。
旺場時段得三幾 枱 MK仔女互劈,收支好難平衡。記者問店員平日生意如何,其中一名員工透露說:「平時星期日至四冇乜客,星期五六會多啲!(老闆倪震有冇落嚟撐場?)佢嚟過一兩次,佢睇住我哋咪仲衰,依家冇王管幾好。(係咪 MK仔嚟玩多?)都唔係全部 MK仔,有西裝友嚟掟飛鏢,佢哋鍾意靜靜哋聽住音樂玩。不過,有啲客好大聲講粗口,企晒起身猜枚,有時會嚇走啲西裝友。有次有 枱客不斷叫酒猜枚,嘈到拆天,已經轉佢哋坐角落位都係咁嘈,後來仲有人嘔到一地都係,好麻煩!」


玉女牌企街
倪震最終都要靠老婆周慧敏做宣傳,放張海報在大門口吸引顧客,不過都係幫助唔大。


派碟裝煙灰
職員自動自覺為每 枱客人派碟仔作煙灰缸用,客人可隨意在場內任何一個角落吸煙。男店員更向記者表示:「星期日至四係冇乜客!」

周三拍烏蠅




吧 枱
上周三晚( 20日)記者到旺角城市中心五樓的 Joe’s Billiards& Bar,發現平日來消遣客人很少,場內四處都是空 櫈,店內職員更在吧 枱前吸煙。


桌球 枱
最受歡迎的飛鏢場完全冇人玩,$78/小時的美式桌球更加無人問津。


飛鏢場

玉女海報招客


分店搞成咁,倪震惟有重施故技,拎老婆周慧敏篤波海報放在大門口做生招牌,希望玉女掌門人能夠吸引成熟西裝客人捧場,令客路高檔一點。其實一直有傳三間酒吧都由「皇雀會」老闆出錢,倪震只係出面,一個仙都唔使出兼有股份收,但倪震早前話自己真金白銀投資,稱三間舖投資共八百萬。記者就旺角分店變劈場一事致電倪震,但截稿前仍未獲回覆。
偷食斷正都拆得掂, MK酒吧點收科應該難唔到倪震。

周六劈酒之夜


在美國流行一時的 Beer Pong呢度都有得玩,玩法是分兩組互投乒乓波,最快成功入杯的一方就是贏家,輸家要罰飲酒兼負責該 round酒錢,算是酒吧其中一個賣點, MK仔女貪新鮮都會圍住兩張 枱玩一陣。





扯煙猜枚




雖然係桌球飛鏢酒吧,但客人幾乎是猜枚劈酒為主,酒吧更提供骰盅給客人,不過 MK仔女就鍾意扯住支煙講住粗口猜枚。

arrow
arrow
    全站熱搜

    stacylife 發表在 痞客邦 留言(0) 人氣()