圈中人潮牌
由法籍設計師Christian Audigier主理的同名潮界品牌，向來深得城中明星包括黎明、鄭中基、劉嘉玲、陳小春等支持，當中劉嘉玲更與Audigier合作，成為品牌旗下服裝中國代理。
「兩年前Audigier想打入中國市場，因為成日見到嘉玲著Audigier設計嘅Ed Hardy系列，但當時得外國有呢個品牌專門店，所以一早就留意到對方；直到有一日，劉嘉玲託人搵Audigier，話想將個品牌引入中國，雙方一拍即合。」知情者說。
先做中國市場
劉嘉玲作為內地Christian Audigier代理，其實不是很多人知曉，而同時間，孫耀威亦睇中品牌旗下的酒類系列，並多次飛到法國，洽商代理權。「Eric（孫耀威）鍾意劈酒，人大咗，就將劈酒變為享受，佢喺法國飲過呢個牌子嘅香檳，跟住就愛上咗，除了喜歡佢嘅味道，仲有包裝好靚，所以就同朋友合作，一齊夾咗幾百萬，傾咗個牌子嘅香檳、紅白酒、伏特加仲有水返嚟做；上年已經打咗入台灣市場，今年會主力做中國，因為國內需求大，所以慢一步先做香港，不過，city'super已經主動聯絡咗佢公司，呢個月會喺city'super買到。」孫耀威身邊人說。
合作搞餐廳
據知，去年孫耀威與劉嘉玲於Christian Audigier與上海紅唐集團結盟的飲食帝國Dozo開幕時，曾經碰上，大家交流心得時，均認同品牌有潛力開拓更廣的業務。「佢哋都鍾意靚嘢，個品牌除咗衫褲酒類，仲有餐具及其他唔同嘅產品，嘉玲同Eric都認為搞間餐廳，飲嘅用嘅都係呢個品牌嘅靚嘢，一定會好享受，所以有計劃一齊搞間咁嘅餐廳；但雙方都認同，要先喺內地站穩陣腳，嘉玲代理服裝，已經搞到有聲有色，而家要睇埋Eric做酒類得唔得。品牌走高檔路線，喺台灣已經掂咗，內地有明星效應都會好快有反應，而家李克勤、何超雲都係飲呢隻牌子嘅香檳。」知情者說。
Madonna至愛
著名設計師Christian Audigier，與紋身大師Don Ed Hardy合作，04年推出以紋身圖案為主題的Ed Hardy時尚品牌，立即成為天王巨星如Madonna、Paris Hilton、碧咸和Britney Spear至愛，並掀起一片紋身熱；因為有劉嘉玲等紅人力谷，亦成亞洲區火熱時尚；品牌近年拓展生產各類產品，由服裝、電單車以至酒類到家品，都有生產。 ####
嘉玲對「CA」品牌情有獨鍾，未做到代理時，已經常到此店購物，揀選心頭好。
Eric代理同一品牌的酒類產品，與嘉玲有意合作發展主題餐廳。
Eric早於一○年的新城勁爆頒獎禮上，帶同已代理的香檳出席慶功宴，與MR.、關楚耀及謝安琪分享。
Christian Audigier創辦人對嘉玲的評價很高，更與她合作開了另一系列Affliction，店鋪設在上海，嘉玲閒時會巡視業務。
除了李克勤愛這個品牌的香檳外，同道還有何超雲與男友陳山聰，何家千金上載微博，公諸同好。
留言列表
{{ article.title }}
