全部同我包起佢!(設計對白)入到傢俬店,興奮余文樂乜都睇一餐!
曾經俾人叫做票房毒藥,余文樂今時唔同往日,自從過檔寰亞,從此改運,仲做埋公司最搵錢男藝人。地位唔同晒,樂仔就連品味都升級。上個禮拜四(五月三十一日),佢約咗個舊同事去中環飲嘢,路過見到間高級傢俬店,忍唔住入去行個圈,由電腦枱睇到梳化仲有大型組合櫃,連花樽都啱,郁手郁腳度埋位,再問舊同事意見。Sales全程跟貼服侍,以為飛來大豪客,點知睇咗十五分鐘,樂仔就轉身走人,去咗附近飲咖啡。


八珍聽聞余文樂啱啱飛咗去大連拍電視劇《玲瓏局》,每集收三十五萬人仔,埋單有成千個落袋,莫講話十幾萬一張櫈,買車買樓都得! ####


鍾意上網打機嘅余文樂第一件事就係睇電腦枱,sales見有星到,跟實招呼。


余文樂主演嘅新劇《玲瓏局》,拍檔係內地新紮花旦穎兒,預計要留响大連拍兩個月。


見到組合櫃,攤開雙手度尺,之後再去睇花樽,研究咗好耐先行開。



arrow
arrow
    全站熱搜

    stacylife 發表在 痞客邦 留言(0) 人氣()