輸俾《桃姐》劉德華,失落金像獎影帝嘅劉青雲,上個禮拜响第十二屆華語電影傳媒大獎,終於憑電影《奪命金》得最佳男主角。


攞到影帝,青雲當晚第一時間打俾老婆郭藹明報喜。星期一(六月四日),《壹》仔响九龍城見到劉生劉太拍拖high tea,青雲右手包住紗布,應該係扭傷手腕,但佢唔想老婆企太耐,落單俾錢佢做晒,郭藹明坐埋一邊等食。兩公婆歎完個tea,即刻起身走人,讓番張枱俾其他人,有品!之後行咗去一間運動用品店,買咗個護腕即場戴住,劉太仲沿途繑實老公,驚九龍城人多,青雲會俾人撞到隻手。攞獎係甜品,劉青雲有個咁嘅老婆,先係人生最大獎賞。 ####


買完護腕,郭藹明繑實青雲隻傷手行,步步為營。


老公俾錢落單,郭藹明玩住手機等食。


行過一間日式火鍋店,店員落力同劉生劉太推銷招牌菜,青雲睇得相當入神。


兩公婆食完tea四圍行,遇到有fans叫合照,當然冇托手踭。

arrow
arrow
    全站熱搜

    stacylife 發表在 痞客邦 留言(0) 人氣()