娛樂八掛大放送★

Chrissie瞓身互動開波教調情

依家玩手機Apps已成生活一部分，無論係後生仔女、青年才俊定師奶阿嬸，每日都唔玩唔安樂，久唔久就有Apps爆紅。數到近期至Hit，一定係由iPhone下載嘅「歐國波Something」App，自6月1日面世以來，即成全城熱話，型男索女都趕住撲入呢股歐國盃熱潮。究竟呢個App有乜咁巴閉，搞到大家唔Download唔安樂？即刻話你知！

就算平時唔睇波，但大賽相信都唔會錯過，四年一度嘅歐國盃大後日殺到埋身，呢項大賽睇星都夠，C朗、費蘭度托利斯、尹佩斯、馬里奧高美斯個個型、英、帥，唔睇點有話題？

黃興桂講波夠啜核

「歐國波Something」食正呢條水，提供即時新聞同即時戰情，又有星級名家如黃興桂、向柏榮等同你傾波經，內容夠寸夠爆夠啜核，段段嗒落有味！

而喺呢個娛樂世界，齋講波無疑寡咗啲，「歐國波Something」就聰明地包羅娛樂元素，將各個階層一網打盡！當中嘅「娛樂台」請來半百紅星「講情講波」外，又搵到至索女神周秀娜（Chrissie）瞓身教授「歐國盃男女攻略」。

李丞責風水捉球路

「歐國妹Polling」互動遊戲仲夠晒絕，勝出者有機會同Jeana（何佩瑜）等一班女神齊齊睇決賽，連宅男界都攬埋，有乜辦法唔受歡迎先？加上「風水足球」請得人氣玄學家李丞責師傅為大家指點迷津，啱晒潮男潮女口味。

女神19式
「o靚界女神」周秀娜同師妹美麗出巡，瞓身教你歐國盃男女攻略，想於歐國盃期間搵到另一半？一定要學嘢！到歐國盃正式開波，就同大家見面。

想於歐國盃期間增進男女感情？黐實娜姐的「女神19式」。

熱LoveLove教室
睇波係忙，但維持甜蜜男女關係乃終生事業，又點可以忽略？影視紅星齊齊化身愛情大師，教你冧盡身邊人！

DIY噴血戰衣
波衫於歐國盃期間變身潮物，但就咁着普通咗啲喎！Jeana將率領一眾女神親身製作性感DIY戰衣，姊妹們要學嘢喇！

即時新聞
落齊歐國盃列強最新動態，球星資訊最快最多；正式開波後仲有即時戰報，大戰結果即刻話你知！

歐國妹Polling
Jeana、Hailey C.、Hidy等都係宅男夢中情人，想同呢班女神齊齊睇歐國盃決賽？參加歐國盃Polling啦！

名家論戰
提供即時戰情同即時新聞之外，仲盡擸本地名家黃興桂、向柏榮、陳國明、蘇斯黑柴等，同你過癮分析各場大戰。

風水足球
講起風水，邊個唔識李丞責師傅？佢今次將歐國盃同玄學巧妙結合，球星運程、幸運顏色同吉祥號碼全部落齊。

明星講波
本地明星唔止識做戲唱歌，仲識睇波！佢哋每人有一個偶像，全情投入為愛隊打氣，想知偶像心水？Fans梗要(目及)實！