曲赤妻希媛
28歲的曲赤跟希媛去年初結婚，唔夠一年就分開。賤男在近期訪問中卻隻字不提老婆同個女，更連facebook及微博的相片也刪掉，為入娛樂圈不擇手段。
人妻殺手 夜場殺手曲赤（K-Chek）同連詩雅、陸永妻Rainah咀相流出，兩女被揭夜蒲舊史，搞到連詩雅聲淚俱下交代事件；其實兩女早就承認喜愛夜蒲，無端被翻舊帳確實無辜。
愛蒲受譴責，涉嫌令慾照見光嘅rapper曲赤更賤到底。本刊得知曲赤去年已結婚，11月誕下女兒Jacy後即拋棄嬌妻幼女，其妻希媛焗住抱女離家跟B女相依為命。曾探過B女的陸永亦火起：「佢老婆好慘！做咩要連累佢呢？」

 
近日連詩雅與舊愛曲赤的舌戰照片流出，上週她開記招聲淚俱下暗認與對方曾發生性行為；而陸永亦公開維護嬌妻Rainah，稱老婆只係一時飲醉亂性，更稱有人為博宣傳而公開照片。

嫌老婆阻發圍
知情者更直指曲赤其實是賤男一名，他曾與女友希媛合唱網絡hit歌〈唉依家啲情侶〉，去年初二人結婚，希媛很快就發現有了身孕。知情人士說：「曲赤話自己係基督徒，有時仲帶埋大肚嘅老婆返教會做見證，但係上年11月佢老婆生咗個女之後，曲赤竟然話佢兩母女阻住佢事業而鬧離婚，希媛喊住湊埋個女搬走，不過聽講希媛仲好鍾意曲赤囉！」而希媛在facebook內放有多張囡囡Jacy的照片，希媛更於fb內寫道：「希望你（B女）長大後會乖，不要令愛你的人傷心……」、「我什麼都不想要……只想你回頭……」，在留言中又承認已搬出，而百多張照片中都找不到曲赤蹤影，只見希媛媽媽幫手湊孫，她更將fb內09至11年，生女前後和曲赤拍拖照全部刪除。

陸永：「老婆信錯人！」
記者聯絡被牽連的陸永，陸永表示幾年前已認識曲赤，對於曲赤拋妻棄女，他就說：「我唔評論喇！我哋不嬲唔係好朋友，家更加要重新認識呢個人！」不過陸永解釋：「呢件事係我老婆信錯人，當日有記者畀完相我睇，我老婆仲喺facebook提醒佢小心有雜誌搵佢，但佢冇回覆，後尾見有埋連詩雅啲相，我哋就知發生咩事喇，唔怪得佢唔覆啦！」陸永又說：「我哋之前有探過佢個女，係老婆介紹我識嘅，佢哋有時會出嚟玩添。我覺得有人放啲相出嚟，佢老婆都好慘！做咩要連累佢呢？」至於曲赤則至週一截稿前仍未回覆。

希媛未死心
上週一（28日）曲赤慾照流出後，他老婆希媛上週四在facebook表示對近日老公的消息「不想聽、不想知、不想看」，翌日又希望女兒長大後不要像爸爸一樣令愛人傷心；上週六（2日）則感慨地說：「只想你回頭……」似乎想曲赤回頭是岸。

認分居
有朋友在希媛facebook留言問她是否已搬出去住，希媛回覆承認，證實已與曲赤分居。
曲赤與希媛拍拖時曾合唱〈唉依家啲情侶〉，講女友嫌男友太黐身情願鬆人。年半前曾在網絡大hit，點擊率接近100萬，更衍生「唉依家啲索女、唉依家啲型男」系列，據知希媛曾一度想入行，陸永回應時亦透露：「佢兩個想紅好耐㗎喇，成日放嘢上網㗎！」

扮見證做宣傳
入行8年，今次曲赤靠連詩雅、陸永妻慾照流出，終於成功被關注。而自稱基督徒的曲赤多次到教會做見證，亦活躍於高皓正和音樂人何基佑創立的新蒲崗使徒行傳教會，不過曲赤所謂見證，其實大部分時間都係以唱歌宣傳自己為主。知情人士說：「佢係咪真係教徒好懷疑囉！佢想黐埋啲教會星度同出多啲教會騷啫！佢自己話喺美國讀書時已經信教，但邊有教友周圍呃女㗎！」 ####

 


連詩雅脷叠脷近期連詩雅人氣不俗，卻突然流出曲赤同她舊日拍拖時脷壜脷的照片，形象跌落谷底。


陸永妻飲醉錫以往曾承認愛夜蒲的陸永妻Rainah，跟曲赤的咀嘴相被公開後，傳與陸永嗌交，陸永就澄清：「我同老婆梗係冇嘢啦，不過我唔想講太多幫人哋宣傳。」


陸永與Rainah去年9月奉子成婚，陸永表示婚前已知Rainah情史：「佢飲大咗咀過邊個我一早知道晒，我唔會嬲，我只係估唔到佢信錯人啫。」


記招認錯連詩雅上週就咀相流出召開記者會，喊住承認曾跟曲赤拍拖，表示有關照片只有男方擁有，而已向公司請假一星期的連詩雅，週一卻被本刊發現獨自返回銅鑼灣駱克道寓所。


去年9月曲赤帶埋腹大便便的老婆（右）出席教會一青年營，現場演唱〈唉依家啲情侶〉。


據知曲赤家境不俗，曾於澳洲和美國留學，於澳洲留學時更因成績太差而未能升學，最近曲赤更與模Phoebe合作出新碟《Union》並即將推出，唔怪得咁多新聞。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄