搭衰晒！（設計想法）
鄭秀文許志安九月歐洲秘婚傳聞炒到㷫烚烚，但許安上星期五（二十五日），出席法國五月節活動就笑住口否認喜訊。

 
許鄭聯婚真有其事定齋吹，八珍都唔敢亂噏，總之發球權喺準許太手上，而呢段時間原定要開番杜琪峯部《盲探》，但Sammi話自己病咗唔舒服，部戲仲「瓊」住咗！所以許安同阿杜一樣，都要等Sammi發落！活動當日，許安同Sammi前度古天樂拍住做，縱使Mr. Cool突然變熱情，主動伸手搭膊示好，佢依然唧都笑唔出，又避免同Mr. Cool有眼神接觸，影完合照，雞咁腳行開。化敵為友？講咁易咩！尤其情敵！你咪話，如果古天樂要做回頭草，許安未必勝算在握。驚，係應該嘅！ ####

 


古仔主動搭膊，許安生硬冷淡，合照完，許安急閃！做到出晒面。


儀式進行期間，兩男雖然企埋一齊，但許安望古仔多眼都唔願。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄