細仔參加跆拳道考試，甄子丹帶埋妻女去打氣，老婆（箭嘴）揸相機，佢就用iPhone，為仔仔留低回憶。
電影《特殊身份》換角，孭住監製兼演員嘅甄子丹，傳俾趙文卓暗招出動水軍唱衰，搞到一身都係！是非電影已經拍完做後期，但宇宙最好打依然冇得休息，馬上埋位，同陳妍希拍愛情片《Together在一起》。

 
新戲三個故事，三男三女各孭一個，甄子丹埋位兩個禮拜多啲，又搞掂袋過千萬。早個禮拜返大陸，還咗幾日廣告債，終於有期俾屋企人。撞啱細仔James考跆拳道黃帶，甄子丹同老婆汪詩詩，帶埋大女Jasmine，舉家去打氣。回復老豆身份，甄子丹攞住手機幫仔仔影相，同現場其他家長冇兩樣。難得有明星家長在場，唔少人捉住影相，甄子丹一律唔托手踭，親善大使上身。再好打再硬淨，對住老婆仔女，始終另一個人，呢幾格相，特別人性，罕見㗎！ ####

 


拍廣告拍戲都要賣動作，打得甄子丹自小培育細仔，發揮潛力。


彈得一手好琴嘅八歲大女Jasmine，㩒住老豆企高，一齊為細佬打氣。


大會叫甄子丹埋位一齊影大合照。宇宙最好打雙手攬住坐大髀嘅James，笑得好開心。


當日同場仲有曾經係是非女王嘅孫佳君，計落佢個仔今年都有七歲，但佢表現避忌，眨吓眼就唔見咗人。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄