情侶tee 二人約埋幾位朋友high tea，其間蕭亞軒就好似小鳥依人靜靜坐喺男友隔籬。大家留意吓佢兩個雖然着咗唔同顏色嘅衫，但款式就一模一樣，唔使講都知佢兩個恩愛。台灣《蘋果日報》圖片
只得21歲嘅萬人迷柯震東最近忽然自爆拍《那些年》嗰陣發現後腦有「小玩具」，拖到下月做手術切除，嚇人一跳。不過佢經紀人柴智屏即刻解話：「是良性脂肪瘤，長在皮與肉之間，應該不嚴重。」粉絲可以鬆一口氣。

 
雖然唔係真係生腦瘤，但做完手術起碼要休息一段時間，所以上星期柯震東就約埋佢嘅天后女友蕭亞軒（Elva）喺台北新光三越信義嘅Dazzling Cafe飲下午茶，爭取時間見面。二人唔只飲飲食食，CIA仲八到柯震東為咗加快手術後康復進度，最近已戒咗夜蒲仲不斷踩單車操fit，而陪住佢踩單車嘅，當然唔少得女友蕭亞軒啦。蕭亞軒雖然大男友11年，但勝在人靚又體貼，唔怪得柯震東同佢拍咗拖之後都一條心，冇再同其他美眉傳緋聞啦！ ####

 


台灣《蘋果日報》圖片


二人tea完，當晚柯震東冇換衫就去咗踩單車，佢仲喺facebook話：「六月戰鬥前要好好運動！」同行應該仲有蕭亞軒。網上圖片

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄