早熟𡃁妹曾就讀香港演藝學院戲劇文憑一年級的龔嘉欣，除識演戲，仲擅長跳多種舞蹈。雖然年紀輕輕，但嘉欣話自己年齡同心境完全相反，佢話：「其實我諗嘢好成熟，仲好鍾意照顧人，成個阿媽咁。」
唔鬧唔紅 《拳王》前週打完，結局篇更高收35點，亦令演姣溝人夫黃浩然的小三龔嘉欣靠賤上位。 22歲龔嘉欣入行4年，一直做小花瓶，直至兩年前與大她16年的鄧健泓撻着，先多點曝光。近日靠《拳王》被人鬧到街知巷聞，不過嘉欣唔介意：「 俾人鬧先成功！」最近更抽到支好籤，拍住回巢花旦蔡少芬拍重頭劇《金枝慾孽2》，演蔡少芬女兒兼宮女首領的她，集集服侍主角，升呢做小花旦。

 
龔嘉欣08年憑「四葉女」水着入行，曾拍過不少電視劇，由演細路女到小三，其中以《我的如意狼君》及《拳王》等戲，飾演刁蠻攻心計女，終惹起觀眾談論。

鬧得高興
《拳王》出街後，嘉欣說有意想不到的效果：「未播嗰時我真係估唔到觀眾反應會咁激，我咁大個女未試過俾人鬧得咁勁，原來我可以演狐狸精演得咁似！不過俾人鬧先成功，代表我做得好。」

黃德斌父女戀
唔再做小三，嘉欣喺新劇《金枝慾孽2》亦有發揮機會，同多位前輩如蔡少芬、鄧萃雯等做對手戲。戲中她飾演蔡少芬個女，仲會同真實大佢27年嘅黃德斌有感情戲，咁咪係「父女戀」？嘉欣話：「我喺《金枝2》入面演宮女首領叫木都兒，冇乜笑容，份人好嚴肅。我同Ada（蔡少芬）對手戲最多，喺30集戲裏面，我差唔多集集都會出現！同黃德斌就有段感情線，情慾戲就冇喇，始終係古裝嘛！6月頭仲會跟大隊上橫店拍一個月添！」有得服侍蔡少芬，傍實女主角出場，淨係出鏡率都賺晒啦！ ####

 


激咀人夫《拳王》中龔嘉欣演Vicky小三勾引唐詩詠老公黃浩然，劇中不乏大膽親熱床戲。演小三出色，更有唔少網民於微博大鬧狐狸精。


忘年戀sweet 現年38歲的鄧健泓同22歲龔嘉欣拍拖兩年，甚少斷正，兩人亦不靠戀情宣傳，但於10年就被本刊拍到2人約會，雖然年齡相差16年，但拍拖鬥咀幾sweet吖。


拍視后龔嘉欣連月忙拍《金枝2》，更有機會做蔡少芬的女兒，戲分仲唔少添，有得拍住視后做對手，偷師啦！


翻版《誰家》接住《耀舞長安》播出的《衝吧！瘦薪兵團》中，嘉欣同陳智燊（左）、歐錦棠（中）又合作，十足十《誰家》翻版，不過今次佢只係客串啫。


16歲激罕水着剛入行的龔嘉欣，曾為旅遊雜誌到杜拜拍攝特輯，當時只有16歲的她，大膽以三點式示人，青春無敵。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄