今次寫真請來北京的攝影師操刀，李蘊話都幾有趣：「我識國語，但係攝影師捲晒脷嘅國語好難明，搞到我成日笑，同埋對住個陌生人咁性感有啲尷尬！」
有睇頭 每年暑假又是𡃁模寫真戰，20歲李蘊去年寫真集大賣15,000本，今年再sell性感，以內衣、三點式搶灘！
李蘊又自爆今年上圍升cup，可以真材實料見人，32C剛剛好毋須僭建，她自豪地說：「自然啲唔使托！」

 
連續3年推出寫真集的確唔容易，李蘊（Renee）今年再戰書展，上月拉大隊到馬來西亞取景，到了吉隆坡的著名度假勝地5星級Golden Palm Resorts拍攝，連影寫真都歎過人。

乳貼防穿崩
李蘊自言影了3年寫真，今次係時候要走性感熟女路線，在超過30個造型中，有一半是內衣照，另外亦唔少得三點式泳衣。「今次影嘅相多過以往兩年，內衣亦性感得嚟又惹人遐想，所以影相時都有啲尷尬，好有挑戰性！」李蘊說：「事前要貼定乳貼、膠紙呀咁防走光，但係好驚穿崩！如果有穿崩相流咗出去，我實精神崩潰，我接受唔到㗎！」只有20歲，就要走熟女路線會唔會太早？李蘊就話自己今年發育升cup，由去年32B升到32C，夠晒熟咁話：「寫真嘅衫全部係我自己揀，可能上圍升咗cup，可以自然啲唔使托得咁勁，以前要加兩個墊㗎，今年有啲衫唔加墊都好好睇喇！」自信心十足。

唔同男友交代
男友劉謙不在身邊，李蘊反而愈影愈性感，更說毋須同男友交代咁多：「好朋友啫，佢咁忙，大家工作上嘅嘢唔使交代咁多。自從佢4月嚟香港開魔術騷之後，我哋都有一段時間冇見。」問到感情會否轉淡，她就笑笑口：「朋友都唔使成日見啦，電話就幾日傾一次囉。（出寫真前會唔會畀男友睇咗相先？）出咗有機會見面會送本畀佢嘅！」拍拖好正常，唔使咁避忌喎！大個女又有愛情滋潤，李蘊這次的寫真集亦擺脫了模的幼嫩，她的經理人Peter Chiu亦大讚：「Renee比前兩次專業咗好多，（係咪拍拖之後叻咗？）唔排除啦，有咗經驗，佢擺甫士的確係誘惑咗，姿態撩人咗。」宅男呢次可以當自己係劉謙囉！

烏蠅陪食
拍攝寫真的五星級酒店因近海邊，好多烏蠅，李蘊話每次吃飯都要同烏蠅爭食：「啲嘢食一擺低就俾烏蠅嬲，好驚食到肚屙呀！好彩去咗4日都冇事咋。」

內衣出巡
李蘊上月在沙田出席內衣騷，明顯對自己身材好有信心，網友回響甚大，不斷留言叫好。 ####

 


S形水着
有愛情滋潤的李蘊可能將攝影師當係劉謙，擺起甫士都零舍誘惑。


感情低調
李蘊說已成個月冇見過魔術師男友劉謙，又稱劉謙只是好朋友。梗係啦，就快要出寫真搏殺，感情事低調啲好！


'11初穿去年李蘊初以內衣示人，但大部分都係corset款遮遮掩掩，今年再度發育，索性以two pieces內衣豐滿上陣。


'12挑逗 Renee今年搏到盡，造型多以兩件頭內衣床照示人，更有喱士bra：「着得咁sexy喺床度典嚟典去好尷尬，試過半日時間至影到兩輯相咋！」


《蘋果日報》圖片



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄