26/5斷正撐枱腳
陳智燊同宋熙年上週六到中環文華東方食lunch，兩人未點菜已經雞啄唔斷，唔通真係有情飲水飽？
新花王 陳豪同陳茵媺打風打唔甩，電視台筍盤買少見少，上年憑《誰家灶頭無煙火》彈起的34歲陳智燊（Jason），被力捧為「陳豪第二」，短短1年由大茄升呢做小生，新劇《幸福摩天輪》擔正做男一號，與鍾嘉欣做情侶。
上位快過搭，為免影響鑽石男形象，Jason被迫將拍拖3年的華姐女友宋熙年收埋。為爭取見面時間，Jason刻意與女友租住同一個屋苑，既可以掩人耳目、又有得日對夜對，果然高招！

20/5尖咀開餐
約埋正印宋熙年在尖沙咀撐枱腳，但上位後嘅Jason非常小心，同女友前後腳上餐廳，宋熙年更邊行邊傾電話，掩人耳目。不過中佬Jason睇嚟略發福，做男一要減吓磅啦！

 
5呎10吋高的陳智燊，除咗外表煞食，精通英文國語法文同拉丁語等多國語言；又擁有倫敦大學經濟學碩士學位，有樣有內涵，最難得靚仔把口仲𠺘過油，加入TVB後極速氹掂兩大高層樂易玲同曾勵珍，1年間已由閒角升呢做男主角，前途一片光明。

尖咀撐枱腳
34歲都有機會上位，陳智燊亦相當識做，即使09年與華姐冠軍宋熙年撻着，亦低調處理，聽教聽話。本刊發現，忙於拍新劇的Jason，上週日（20日）與女友去尖沙咀撐枱腳歎西餐，二人前後腳入餐廳，相當警惕。飯後Jason與女友揸車返回將軍澳君傲灣，兩人分別住1座及3座，見面易過借火。餵飽正印，Jason第二晚又出動與單身楊秀惠食飯，楊全程對住Jason動作多多，擺明對筍男嗒糖。不過Jason定力夠冇過電，上週六（26日）再約正印宋熙年到中環文華東方酒店食lunch，做慣明珠台生活品味節目果然唔同，拍拖3年都肯揼本氹女友，難怪宋甘心做Jason隱形女友。

21/5再氹楊秀惠

借師傅過橋
Jason週一（28日）為孭飛新劇《幸福摩天輪》拍外景，例牌唔認將宋熙年收埋食，仲拉埋師傅歐錦棠落水。「傳咗好耐喇，大家只係好朋友啫！（成日一齊食飯喎！）係有食，不過唔係單獨㗎，歐錦棠佢哋成班都有出嚟。（有街坊見到你哋一齊返屋企？）唔會，我哋只係隔籬鄰舍，有時我會經過佢嗰座，但冇上去！如果拍拖我一定公開，會舒服好多嘛！」明明撐枱腳都話成班人一齊食，其實情侶檔仲易搵食，你睇吓陳豪陳茵媺幾肥？

搵歐錦棠教戲
陳智燊多女黐，估唔到鬼仔Jason同老戲骨歐錦棠都好老友，經常約埋一齊食飯，Jason仲當正對方係自己師傅，經常請教演戲心得。「我哋之前拍《誰家灶頭》識，我成日問棠哥點樣做戲，難得佢唔嫌我煩，咪做咗好朋友囉，我當佢係師傅㗎！」

擦掂女高層
雖然Jason已經34歲，但TVB正值小生荒，加上把口好得的Jason經常搵樂易玲同曾勵珍（小圖）兩大揸fit人傾偈，而且夠聽話，所以06年拍劇後機會不絕，短短幾年已有得做男主角，嚟緊套新劇《衝呀！瘦薪兵團》亦有份演出，比起利孝和世侄林峯讀完藝訓班都要做路人甲，後台唔算硬的Jason行得叫快！ ####

 


楊秀惠月前同金融才俊Ray分手，當晚一見到Jason即刻開心到企喺馬路中心揮手，開心過執金。


見楊秀惠兩隻手攞四個袋，Jason即有風度幫女方拎嘢，十分有風度。


食足3粒鐘，兩人與TVB經理人Amy齊齊去停車場攞車離開。


極有女人緣嘅Jason，連試衫都有女粉絲埋身合照。


Jason同何傲兒拍《誰家灶頭無煙火》有咀戲而傳緋聞，但事後何表示兩人太熟冇機會發展。


Jason與33歲「翻版陳慧珊」李璧琦合作明珠台節目《港生活港享受》撻着，但有傳李頂唔住男友太花心，拍拖半年即斬纜，轉與無綫編劇李梓樅拍拖。


公園訓練


上週一(21日)，Jason同歐錦棠去將軍澳日出公園練戲，歐教Jason用舞台劇方式做戲。着住格仔短褲嘅Jason喺公園兜圈喪跳，可能平時拍劇太攰，跳咗一陣已經耷晒頭冇力行。


48歲歐錦棠同34歲Jason全無代溝，兩人經常約埋一齊食飯傾偈。


製作資源總監樂易玲


戲劇製作總監曾勵珍


喺新劇《幸福摩天輪》中，演社工的Jason及鍾嘉欣有勁多對手戲，嘉欣仲要同林夏薇爭Jason，女神自動送上門，明益Jason啦！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄