陳冠希親自冲曬免外洩搞相展過手癮 @ 娛樂八掛大放送★

親自冲曬免外洩陳冠希搞相展過手癮

當年淫照和早前跟模謝芷蕙（Cammi）的情慾照被公開，搞到陳冠希（Edison）一身蟻，不過事件似乎未有令他留下陰影繼續照影相，前晚Edison現身展覽會時透露今年9月將以新晉藝術家身份在台灣開相展，拍攝對象更有男有女，不會獨沽一味。

陳冠希前晚到觀塘出席Eric So的藝術品展覽會，當中有幅作品是他的畫像，原來Edison亦曾在新加坡及北京開過畫展，今年9月將會在台灣搞相展，他說：「雖然主題係世界末日，但啲相唔會係咁灰，反而係開心，好似有我同朋友BBQ同開派對，大部份係snapshot，但未影好晒。」Edison表示相展並非他個人，還有其他藝術家，自言是新丁一名。

主角有男有女
早年Edison爆出淫照風波，張栢芝和鍾欣桐等人涉入其中，全城轟動；早前他和模謝芷蕙的慾照流出，最後兩人分手成陌路人。問Edison會否展示以前的舊相？他似明白記者所指並表示：「唔會，今次我係用一架以前嘅傻瓜菲林機，以黑白相為主。」菲林會親自冲曬還是交給相片店處理？Edison指自己亦懂冲曬，不過有些相片想有好質素，還是會交給專人處理。問到當年事件有否留下陰影，擔心相片外洩？他稱：「我冇諗到呢樣嘢，係你哋諗。」相中有誰做女主角？Edison直言：「咁我去每個地方，總有男有女，仲有影雲同狗，每樣都有啲。」

與栢芝零聯絡
早前傳Edison有空姐女友，他否認是新歡：「佢係我工作上其中一位投資者嘅女，有同佢食飯，只係朋友，唔係新女友，我家冇拍拖。」他又聲稱若有新戀情必會公開。談到張栢芝下星期四（24日）生日，Edison表示大家一直沒有聯絡。此外，陳海琪昨日到觀塘出席now觀星台嘅記者會，她將會主持電視版《海琪的天空》，並透露首集嘉賓是Edison，她說：「喺節目中佢有講對鋒芝離婚嘅睇法，我好愕然原來佢係將愛情放首位，亦覺得佢好掛住以前嘅女友。」採訪：李珮洳、譚倩宜攝影：葉君海

Edison在他的畫像前影相，他稱將於9月在台灣搞相展。