「大眼」有名你叫,就知電力逼人,sexy到暈!呢兩年佢可謂橫掃娛樂圈,成日見報, 引死啲宅男毒男草食男。估佢唔到嘅係, 佢命格原來好「旺夫」,帶挈埋男友「高大」都忽然紅咗唔少,大半個身入咗娛樂圈咁滯!本來「兩公婆」拍住上真係幾好,弊在「高大」一叉隻腳入行, 即刻惹咗成堆雌性動物埋身,個個都冧笑話同佢係「friend」喎!激到「大眼」紮紮跳。


坦白講,佢男朋友唔係媽咪姐會冧嗰type,唔明佢點解咁受歡迎, 但有個同「高大」識咗好鬼多年嘅二五就搭嘴:「你有所不知嘞!『高大』除咗有身形之外,由細到大把口仲好得,讀書嗰陣連學校啲Miss都俾佢得好開心, 仲有女同學為咗佢,差啲死㖭!」嘩!原來話說嗰位女同學暗戀咗「高大」成年, 但示愛三次都被拒(咁佢無「大眼」質素嘅body同索樣吖嘛!),覺得成個世界灰晒, 放學後忽然坐上學校3樓嘅走廊欄杆,企圖跳樓!嚇到班老師、同學鼻哥窿都無肉,死勸爛勸咗好耐, 先到呢位痴情傻妹妹返落嚟。咦,咁呀「高大」嗰時去咗邊呢?真係無人知喎!應該係開發緊其他雌性市場啩?嗯……男朋友個file咁「輝煌」,睇嚟「大眼」都要提早食定啲「靜心」先得嘞。 ####



 

arrow
arrow
    全站熱搜

    stacylife 發表在 痞客邦 留言(0) 人氣()