奧巴馬早前公開支持同性婚姻，無疑對同性戀界打咗支強心針。日前蘇施黃接受電台訪問，佢終於肯「出櫃」自認係同性戀。當被問到會唔會主動同人講時，阿蘇就發火窒人，使唔使舉手話俾阿爸阿媽知我係同性戀者？人哋都係好奇問吓啫，家吓你「出櫃」唔係「出火」喎。


早前喺演唱會承認係同性戀嘅黃耀明， 日前出席「國際不再恐同日」指社會有雙重標準，話同性戀要收埋，點解同女人一齊就唔使匿埋？都唔係㗎，視乎咩女人啦！如果係二奶、小三，我估冇人會公開嘅。


拉姑依家仔女孝順，仲有兩個寶貝孫，不過唔講唔知，佢曾一度迷失，早一兩年成日都話不如死。每個人都有低潮期， 過咗咪一天都光晒囉。佢仲要睇住兩個孫長大，有排忙呀！死？邊得閒！


洪天明考獲電單車牌之後，將會跟方中信等人組電單車隊，難得老婆周家蔚冇詐型，
暫時俾佢陪「二奶」先。
媽咪姐斷估天明都唔敢出去曳曳搵二奶，不過男人玩物喪志都唔好。家蔚，都係睇緊啲好。


張馨予同吳卓羲拍拖， 已經係半公開秘密，但佢接受訪問時，大派檸檬，仍未知身邊人是否可託付終身！大家彼此彼此啫，吳卓羲夠唔知你娶唔娶得過啦。 ####


 


 


 


 



 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄