上流滙 俗語有話︰「十八歲卜卜脆！」青春當然是無敵，不過唔識保養，都好易走樣。上周六（12日），慧妍雅集於灣仔君悅酒店舉行「30周年慈善晚會」，歷屆港姐「胸」群出動。別以為近幾屆的少女港姐至夠搶，打扮保守的媽咪級港姐才盡顯韻味。不過出名keep得好的朱玲玲，今回竟然輸喺大佢3年的趙雅芝手上。

54歲朱玲玲笑到出紋
永遠榮譽會長朱玲玲，向來高貴大方。當晚她大爆長子霍脗剛與郭晶晶的婚事，成為全場焦點。她首度開腔回應︰「係今年年底結婚，但月份留俾佢哋講。」將娶新抱的她，心情大靚，笑到見牙唔見眼，魚尾紋走晒出嚟都唔知！

 


愛打羽毛球的朱玲玲，肌膚緊緻，不過粗糙的雙手就出賣她，睇嚟都係時候搵支hand cream急救吓嘞！

57歲趙雅芝防腐專家
會長趙雅芝出名保養好，已為三子之母的她，身材依然fit爆。不論樣貌、身材都與真實年齡不相符。她說：「我冇特別去保養，都係保持年輕心態。我鍾意食廣東菜，因為比較清淡。」


趙雅芝一襲米白色企領裙示人，大騷S身材，fit過不少少女。

42歲莫可欣浮腫泡肉
莫可欣自08年與方中信誕下囡囡符迦晴後，一直瘦身失敗。當晚她出動火紅Deep V晚裝，谷出驕人身段。不過全身浮腫，面珠及下巴外圍加了一個圈，師奶味濃。

45歲溫碧霞美人生鬚
雖然溫碧霞並非港姐出身，不過亦與老公何祖光孖住撐場。當晚她大騷心形嘴，但嘴角兩旁密密的唇毛，比笑容更搶鏡。

37歲向海嵐厚粉現紋
近年專注在上海發展的向海嵐，盛裝出席晚會。不過化妝過分重手，不但眼肚現紋、面珠出油，額頭亦有不少暗粒。

26歲王君馨一撻撻
王君馨的晚裝由她自己設計。她雀躍說︰「分兩part嘅裙最近好hit，所以自己設計俾贊助商造。」露腰設計突顯她腰腹線條，不過後面大露背一大撻遮瑕膏，認真大殺風景！

33歲楊思琦突然白滑
楊思琦今年2月誕下女兒楊卓穎，火速修身搵銀。她的紫色tude dress令其豐滿身材表露無遺，皮膚亦比以往白滑，她謙稱︰「都唔係，都有少少粒粒，做媽咪真係好開心。」

52歲鍾楚紅露拜拜肉
出名有女人味的鍾楚紅，上周四（10日）以超Deep V紅裙出席Bvlgari活動，容光煥發，仲鬼馬伸脷㖭！紅姑咁嘅年紀，頸紋多唔奇，但最礙眼係叉腰擺甫士肉騰騰嘅拜拜肉。 ####



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄