面目浮腫
出外埠 近排少咗出鏡嘅35歲人妻金喜善，日前喺首爾嘅時尚地段狎鷗亭出現，可惜令人有「驚」而無「艷」。點解咁講呢？佢本來擁有「韓國大美人」嘅美譽，可惜當日身形發福都算嘞，塊面又有啲肥腫難分，加埋個雙下巴，唉！同「大美人」嘅稱號距離好遠吓啫。

 
據知6年冇拍劇嘅金喜善，將會接拍新劇《神醫》，飾演醫生，因為一次意外而回到過去嘅高麗時代，仲同飾演將軍嘅李敏鎬（韓版《流星花園》男主角）相遇㖭。嘩，睇嚟金大姐應該要盡快保養番先得掂，如果唔係，拍埋細佢成10歲嘅李敏鎬身邊，畫面係點？大家用腳趾公都想像得到啦﹗

陽光味濃
李敏鎬先後憑《花樣男子》及《城市獵人》（有線啱啱播完）走紅。李今年25歲正係卜卜脆， 善姐真係要盡快keep番掂先得咯。 ####

 


金喜善年初出席活動時（右圖），依然係臉瘦下巴尖， 估唔到只係幾個月時間，成個人好似吹脹氣球，塊面似個包。真係陰功！台灣《蘋果日報》圖片


陰功，快啲執執佢啦！



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄