盛男都要作戰㗎！﹙設計對白﹚半條頭髮都冇gel嘅尹子維，呢日打扮樸素，喺超市搜購大量有機菜同肉， 排隊俾錢時神情呆滯，可能諗緊點煮。
入行14年嘅尹子維真係冇乜「往績」，係拍過吓戲，但大家只會記得佢曾經同貝安琪拍拖，亦同莊思華、原子鏸傳過緋聞。當然，唔少得嘅係間中被拍到去夜場「辣」女，總之係夜生活糜爛。


不過年紀開始大，真係要修心養性。今年36歲嘅尹生， 早前就俾媽咪姐撞到喺銅鑼灣商場出沒， 今次佢唔係拖女行街，而係單拖喺商場內嘅超市買餸。媽咪姐發現佢掃咗好多有機蔬菜，睇嚟係要煮有機美味餐，俾影星阿媽胡燕妮嘆吓，慶祝啱啱過咗嘅母親節喎！其實尹子維近日埋咗王維基堆主力拍劇，雖然呢個歲數先定性發力係遲啲，但有心唔怕遲嘅！

同場加映
尹子維識得煮大餐阿媽，大隻型男黃德斌喺母親節當日，亦去咗《忽周》搞嘅《好媽媽感謝宴》。鬼咁friendly同各位靚媽玩遊戲，連司儀李麗蕊都俾佢電暈！ ####


買完餸，尹子維講住電話行返屋企，突然好有住家男人feel，差啲唔記得佢喜愛夜蒲嘅一面㖭！



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄