咁急坐的士去買衫，應該都係俾呢間中價時裝店嘅半價牌吸引。估唔到定欣同劇中嘅「丁丁」一樣，幾慳家！
話咁快《拳王》已經進入結局周嘞！媽咪姐晚晚都追，今個星期應該講黃浩然同鄭嘉穎嘅恩怨，不過講到女主角，飾演聾啞女拳王嘅胡定欣就俾觀眾一致讚好。唔知係咪太受歡迎，上星期媽咪姐就見到「丁丁」戴晒口罩落銅鑼灣，可能怕俾人認得啩？

 
就上周六（12日）之嘛，向來自己揸車嘅胡定欣忽然改搭的士去銅鑼灣利園。一落車就好有目的咁行入間時裝店，左揀右揀搞成半個鐘，終於睇中兩件衫，佢連間shop嘅環保袋都唔要，「嗱嗱聲」就塞入自己個大手袋度，再急急腳咁行出的士站上的士走人。所以話，女人購物癮發作起上嚟，真係快到你唔信！ ####

 


Shopping同打拳一樣，要快狠準！（設計對白）


買完衫，定欣就好守規矩咁排隊等的士，不過佢呢日咁嘅造型，媽咪姐一度以為係楊千嬅囉！


上咗的士都仲掛住玩電話，同邊個傳情令你咁忙呀？如果係乖仔馬國明，就真係要箝實嘞。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄