拍攝地點在遊樂場， 老吉玩到滿頭大汗，話：「老竇媽咪要返工， 好少帶我去遊樂場， 至少兩年冇去。」玩到興起，但家人一叫停， 老吉即乖乖返回家人身邊，一啲都無扭計。
《拳王》播放以來，贏盡口碑，今個星期大結局，劇中除了拳拳到肉外，鄭嘉穎同兒子老吉的一段真摯父子情亦賺人熱淚。現實生活中的老吉（梁梓豪），現年十歲，學校成績優異，自小聰穎，對白背一次就過目不忘。拍攝期間更膽粗粗挑戰鄭嘉穎，鬥唸對白和鬥少NG，其精叻伶俐，連平日酷爆的鄭視帝也被融化。

 
鄭嘉穎曾以「寸寸哋」形容劇中兒子老吉（梁梓豪）。佢話：「如果我好命，都想有個咁有性格嘅仔。因為佢咁有性格，拍劇時先有火花，出來效果好好。」老吉不算可愛，但樣子醒目精靈。十月就十歲的老吉，現時就讀小學四年級，坪石邨Band 1小學，全級考第四名，常識、數學、英文文法都是全級第一，更身兼學生會副會長、風紀、圖書館領袖生，是校內風頭躉。
問老吉點解鍾意拍戲？他答：「好玩。」然後突然爆一句：「拍戲先可以有個拳王老竇！」登時令大家笑唔停口。如果撞正考試、默書要拍劇點算？老吉一本正經答：「喺學校、屋企做晒功課、溫晒書先，咁咪心安理得去拍戲囉。」

同老大補祝父親節
《拳王》拍攝時老吉只有八歲，不過他一向鍾意同哥哥姐姐玩，所以同鄭嘉穎相處絕無隔膜：「第一次同老大（鄭嘉穎）見面時，佢問我：『平日點叫爸爸，就點叫我啦﹗』我本來叫開老竇，點知叫叫吓變咗老大，叫到依家。佢又叫我睇周潤發《阿郎的故事》。」片場中，老吉同鄭嘉穎的「親子活動」，是鬥唸對白。老吉話：「我哋鬥快背熟對白，然後一齊對，睇吓邊個錯？」陪伴老吉做訪問的家姐補充：「有次等埋位時，細佬喺度玩，鄭嘉穎就問細佬：『你喺度玩？記得晒對白未？一陣嗰場戲好緊要㗎喎﹗』細佬答番佢：『睇吓一陣邊個NG先？』細佬記對白好叻，喺屋企同佢對一次，去到現場唔使再睇，就算臨時有改動，都唔會錯，所以細佬同鄭嘉穎鬥少NG都好少輸。」老吉的真正老竇在旁指着兒子，笑說：「唔知點解好長對白佢都記得，叫佢喊又即刻喊，之前都唔知佢識得演戲。佢仲同鄭嘉穎交換電話，我哋都無佢（鄭嘉穎）電話。」老吉表示跟鄭嘉穎仍然保持聯絡， 「佢會問我功課點，叫我食多啲嘢！我打俾老大想約佢六月慶祝父親節，但佢唔喺香港，叫我等佢大陸拍完嘢返嚟﹗」連鄭視帝都搞得掂，老吉真係魅力沒法擋。

專冧巨星
老吉三年前因媽咪朋友介紹下拍廣告， 自此被導演看中，其間拍過MV、電影、教育電視及港台節目等。在《拳王》戲份最多，角色討好，成功彈出。

新晉童星
代代都有唔少童星，近年電視界當中，除梁梓豪之外，就以譚真一及王樹熹的表現較為突出。


譚真一 8歲的譚真一，08年在《師奶股神》飾演梁靖琪兒子，肥肥白白又可愛，令人留下印象。09年他在電影《殺人犯》一人分飾多角，更可說是代表作。今年播出，由林峯擔正的《回到三國》亦會見到譚真一。


王樹熹 13歲的王樹熹，03年入行，父親是副練馬師王燦聲。王樹熹06年在《師奶兵團》飾演鄧萃雯兒子開始為視迷認識，今年重頭劇《造王者》及《情越海岸線》都有份演出。 ####

 


《拳王》中，老吉在第十集送拳套俾老竇鄭嘉穎，但鄭拒接受，更表示自己不再打拳，老吉十分傷心， 場面感人。


《拳王》慶功宴，鄭嘉穎一見老吉即一手抱起他，點知老吉抵死話：「我感覺你手震喎！」


6個月肥B


1歲學行
老吉小時候肥嘟嘟好可愛，1歲兩個月就學識行路。佢入讀小學開始變瘦，吉姐爆：「細佬揀飲擇食，唔鍾意食肉。」


訪問當日正值母親節，吉媽因工作未能陪老吉， 外婆（左）、家姐（右）及表弟（後）則陪伴他做訪問，不時為他抹汗和噴蚊怕水， 是家中金叵羅。


在電影《保衞戰隊出動喇朋友！》老吉和林嘉華戲內戲外都玩得很投契， 經常騎膊馬。


與林一峰、林二汶合作〈好天氣〉MV，老吉扮演一峰童年，其間一峰教他彈結他，自此便愛上了，現在還有學彈。


和盧海鵬一起拍攝港台劇集《沒有牆的世界》，二人飾演兩爺孫，老吉背埋鵬哥的對白，幫手提水，鵬哥大讚叻仔。


電視日播夜播的Osim廣告，令主角老吉和黑人小朋友friend咗。近日老吉突然戴眼鏡， 原來被太多街外人認出索取簽名， 所以「易容」。


賣可愛


賣精靈

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄