恐怖鼻涕
上周三（9日）下午4時許，阿夢與一名《怪談》女幕後在佐敦咖啡店閒聊， 其間她突然情緒失控，喊至面容扭曲兼流鼻涕，真係好嚇人。
阿夢岑寶兒喺無綫撈咗11年都做二打六，上個月終離巢，拍住梁思浩主持有線節目《怪談》。
原以為做主持好舒服，阿夢勢估唔到要瞓屍牀、拎神主牌入鬼屋，集集驚到震。有《怪談》幕後爆料，指阿夢近日精神異常，不斷說自己撞邪。
上周三（9日），本刊發現阿夢與女幕後到咖啡店閒聊，其間她突然情緒激動，眼淚鼻涕如瀑布般狂流，繪聲繪影講述自己的經歷：「有次有4隻嘢圍住我，真係好恐怖！」記者見到佢兩行鼻涕，仲以為睇緊《怪談》。喺靈異角度睇係撞邪，但科學啲講，佢會唔會係思覺失調呢？

 
阿夢岑寶兒4月與無綫結束賓主關係，隨即簽約王維基。新公司自由度極大，阿夢未正式拍劇集，卻特准以部頭形式主持有線電視嘅《怪談》。
第一次坐正做主持，阿夢當然緊張，但她發夢都估唔到該節目要佢拎住個神主牌入鬼屋招魂，以及在荒山野嶺燒臘鴨。

晚晚唔敢瞓
日有所思，阿夢終於出事。有《怪談》幕後人員透露，阿夢近日精神有異，不時懷疑有靈體跟了她返家。上周三（9日） ，阿夢拍完《怪談》日景，相約該節目一位女幕後在佐敦咖啡店訴苦。記者聽到阿夢不斷說：「搞唔掂呀！我就嚟頂唔順，依家夜晚唔敢瞓覺，等到天光先夠膽瞓，有時一合埋眼就見到一個冇面嘅長髮女人。返到屋企又聽到一把女人聲同我講嘢。好驚！」阿夢愈講愈激動，眼淚直流，仲兩行鼻涕流到嘴唇都唔知。其後她拿出一本簿仔，指住簿仔對友人說：「上次有4、5隻嘢圍住我，真係好恐怖。」之後兩人到了附近一間佛店，阿夢買了一個觀音像牌，似乎想求個安心。鬼神之說，信則有不信則無。上周五（11日）凌晨，梁思浩和岑寶兒拉隊到荃灣曹公潭拍《怪談》真人騷，其間一名女靈探者突然雙眼反白兼嘔白泡，繼而又喊又笑一輪後暈倒。工作人員即報警，把女靈探者送院救治。雖然在場人士都懷疑女靈探者是鬼上身，但警方將案列為有人暈倒處理，而該女靈探者即晚出院並無大礙，事後更繼續參加《怪談》的靈探活動。

 

日記紀錄靈異事件
當晚全程直擊女靈探者反眼嘔白泡的阿夢，深信對方是被邪靈上身。本周二（15日），記者相約阿夢見面，以往經常傻笑的她，當日目光呆滯，對記者說：「我呢排精神好緊張，有時合埋眼就見到啲唔應該見到嘅嘢。不過師傅叮囑我收咗工唔好再諗，去多啲室外地方，唔好成日匿埋喺屋企。師傅又幫我做咗個淨身儀式，依家個心舒服好多。」之後阿夢拿出當日給女幕後看的簿仔說：「呢本係我嘅日記，我最近每次見到啲污糟嘢，都會寫低。」記者睇過，阿夢唔止寫低，仲圖文並茂。對於阿夢做主持搞到疑神疑鬼，梁思浩大讚她勇敢：「做《怪談》直播主持真係唔易，惡夢（阿夢在該節目的暱稱） 開始掌握到，只要累積多啲經驗就ok。放心！我會睇住佢，唔俾佢出事。」吓！信你？

集集都喊
阿夢離開無綫自尋出路，主持《怪談》算係有個好開始。節目播映多年，從未真正影到靈體，大多數是主持或參賽者疑似「鬼上身」，主持人亦會講出即場感覺，例如「feel到有嘢撲埋嚟」等。阿夢最近經常被派去單獨行事招魂探靈，監製貪佢夠驚青，能夠帶出現場恐怖氣氛。不過阿夢幾乎集集都嚇破膽，喊到收唔到聲，而且每次都話接觸到靈體，又話自己被鬼捉腳。究竟真係集集都撞鬼，抑或阿夢演技真係好咗呢？

撞鬼定搞鬼
對於有靈探者疑似鬼上身，最後搞到報警求助送院治理。當晚在場的陳譽之師傅表示：「靈探者當日時運太低，靈體容易上佢身，其實我已經幫佢淨咗身。不過佢被上身嘅時候消耗咗太多氣力導致反白眼，送去醫院檢查吓穩陣啲。」對於阿夢聲稱經常見到靈體，陳師傅話：「因為佢喺短時間內接觸太多靈體而令佢時運低咗，而且佢唔係次次都有做淨身，所以見到嘅機會比較高。」
靈異事件講到似層層，但講求科學證據的曹宏威博士就唱反調：「我嘅立場就唔信，我好反對迷信，電視台有佢哋嘅謀生技巧。我呼籲大家切忌迷信，要當呢啲節目係一個遊戲，唔係樣樣嘢都真實。」 ####


 

 
拭淚訴苦
要女幕後遞上紙巾，阿夢先識抹走鼻涕，唔知仲以為佢俾仔飛搞到咁傷心。

 
買觀音牌護身
飲完咖啡、阿夢去佛店買了個僅$28的觀音像牌（右下圖）。其實《怪談》有咁多師傅助陣， 點解佢唔搵師傅幫手呢？






本周二（15日），阿夢承認近日精神緊張，更說拍《怪談》時有把「男人聲」喝令她離開。記者提議阿夢去看醫生，她說：「我暫時都OK。」現已轉投王維基的她身價幾級跳，她表示自己是家中經濟支柱，除了屋租及生活費外，還要負責照顧父母及細佬，壓力非常大。


阿夢向記者展示拍《怪談》後開始寫的日記，她更畫下「被鬼圍」的圖像。


2000年落選港姐出身的阿夢，由最初有志偉撐腰機會不斷，到近年淪落做大茄，已經34歲的她，惟有自己搵出路。《蘋果日報》圖片


瞓屍牀


野外招魂


上周五凌晨，《怪談》拍外景發生女靈探者嘔白泡事件，而阿夢當時亦在場。


陳譽之：鬼上身會反白眼！（真實對白）《蘋果日報》圖片


曹宏威博士：我唔信邪！（真實對白）

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄