Vivian
白色立體花束腰連身裙 $15,090
Alibellus+ from Liger
周慧敏“只想優雅地老去”
前排「盛女」熱，周慧敏有感而發，叫各姊妹唔好因在意外界眼光而急於搵男友。
「冇人有資格去judge你，每個人價值觀都唔同。」
當然，堂堂玉女掌門人毋須擔心冇人追，對於人生教練肆無忌憚鼓勵做勁多醫學美容以求美化外表吸引異性，周小姐更加耍手兼擰頭。
「我唔要違反各樣自然定律，60歲唔好旨意仲keep住20歲面孔，我更加唔要後天加工嘅醫學美容，只想優雅地老去！」
就係呢份難得「優雅」的自信，才可以從容地keep住「永遠不老」生招牌。
Profile
Vivian
出生日期：1967年11月10日（天蠍座）
出生地：香港
籍貫：廣東中山
身高：5呎5吋
體重：105磅
學歷：聖士提反女子中學中六畢業
簡歷：85年，參加新秀歌唱大賽。86年，加入香港電台當DJ，再晉身娛樂圈，有「玉女掌門人」稱號。
主要作品：唱片《周慧敏》（88），《A Long & Lasting Love》（91），《冬日浪漫》（92），《盆栽》（11）等。電視《大時代》（92）。電影《三人世界》（88），《金裝香蕉俱樂部》（96），《得閒炒飯》（10）。演唱會《Back For Love演唱會》（06），《Deep V.25周慧敏演唱會》（11）。
冧女講天份
多年來，我同各粉絲一樣，覺得倪震係花心男，擔心他對玉女掌門用情不專，但當得悉二人移居溫哥華初期，為了照顧女方口味，男方不惜腳骨力買齊屋企附近餅店的咖啡卷，逐一讓她品嚐，然後再記低心水餅店，以便日後光顧……如此體貼入微，才稍為放心。「佢唔係刻意做，係天生！呢啲嘢係要講天份，我都想做到！你問我，老公鍾意食邊種yogurt ？我唔知㗎！慚唔慚愧？……好彩呢方面佢對我冇乜要求！」倪震冧功多不勝數，老婆如數家珍。 03年正值沙士，周慧敏滯留香港，二人傾電話時，坦言好掛住「阿豹」（愛貓暱稱），倪震二話不說帶「豹」回港。「喺屋企佢負責吸塵，一見有阿豹嘅鬚就會執起，由BB到十歲，儲咗幾十條阿豹嘅鬚！」去年，愛貓離世，他倆買了一個白色玻璃箱專放「豹鬚」，又飛回溫哥華重返阿豹經常去玩嘅地方，執起一些石仔放在家中靈位。「你好難要求對方做呢啲嘢，但佢就係一個咁樣嘅人！「呢樣嘢好中我，好match！」眼見周慧敏笑到見牙唔見眼，終於明白當日被全港市民狙擊的倪震，何以輕而易舉便抱得美人歸。
我唔係好需要錢
周慧敏說老公非常尊重她，在公在私，無限支持，現階段接job定下三大原則：丈夫反唔反對；粉絲開唔開心；有冇違反宗教教條。之不過，去年才開完其25周年演唱會， 話咁快又搞巡迴，由澳門到內地再去美加，即使唔怕老公心痛太辛苦，難道又唔怕惹來「等錢使」之嫌嗎？「唔係我刻意plan出嚟，冇鋪排冇計算，做黃凱芹演唱會嘉賓時（3月尾）至決定！「我唔係好需要錢，一早出嚟賺錢，自己又冇時間使錢，積蓄足夠應付未來。」周慧敏素有「慳妹」綽號，一個銀包可以用7年，又每每等到減價才出手購物，報載伊人最愛買樓投資，有冇心得分享一下？「有次同鄭嘉穎去越南做親善活動，佢突然問我：『教吓我理財。』我好尷尬咁話：『入行咁耐，經理人開票俾我，都係放喺支票戶口就算，連定期都唔做，係咪好過份？』」錢從來唔係伊人着眼點，甚至經濟上，也從無依賴過男方。「由一開始拍拖，我哋都係經濟獨立，大家都有咁嘅信念。」
曾經半迷失
旁人眼中，生活無憂，已經美滿到不得了。但我小心眼，紅足多年的周慧敏從未得過最受歡迎女歌手獎，覺得遺憾嗎？「冇！95年有個好出名嘅經理人主動搵我，話有信心推我上更高位置……係好吸引，但最後我say no！「當時已半迷失，若再push我，對我生命會有好大嘅反效果！「娛樂事業唔係我嘅一切，工作只係一個game，唔可以俾佢控制，變成一個冇空間思考嘅artist。」她說自細有兩個志願：畫家與歌手，圓過歌星夢，開過紅館個場，又試過當業餘畫家。「依家識得放低明星包袱，搵到適合自己嘅生活模式，我好滿足！」
Vivian's tips
Q ： 護膚有何戒條？ A ： 太陽係皮膚天敵，盡量唔好曬太陽，出街就搽防曬，一得閒敷多啲paper mask！ Q ： 必買潮物？ A ： 鞋，屋企有二百幾對，最多黑、白、金及銀，最易襯衫。
後記
眨吓眼，當了倪太3年，倆口子依舊恩愛，男方與緋聞絕緣，更與老婆齊齊信主。時間係最好證明。我作為男人，聽過Vivian講倪震萬般的好，難免小人之心抽秤她在長老公志氣，滅自己威風，奈何倪太強調。「做咗基督徒，會放大自己不足，我仲需要學習做個好太太。」眼前，看見一個女人最幸福嘅笑容，快樂原來就是如此簡單。
Shop List :
Bottega Veneta 中環置地廣場G6-7號鋪 2973 0882 Emporio Armani 金鐘太古廣場227號鋪 2918 0699 I.T 金鐘太古廣場252號鋪 2918 0667 Lane Crawford 中環國際金融中心 3 樓 2118 7683 Liger 銅鑼灣白沙道11號 1 樓 3483 3948 Sergio Rossi 金鐘太古廣場255號鋪 2918 0872 Stella McCartney 中環置地廣場233-4號鋪 2801 6793 ####
72年
童年生活清貧，周慧敏母親仍慳錢買鋼琴給女兒自學。
91年
一出道當歌手已走純情玉女形象，俘虜不少少男，包括我！
2011年
去年開演唱會慶祝入行25年，周慧敏說她已學懂減壓，「非常enjoy這次演出。」《蘋果日報》圖片
Vivian 天藍併白色波浪邊真絲長背心 $16,900 白色長褲 $5,500 both Stella McCartney 橄欖綠色綴彩石高踭鞋 $16,360 Sergio Rossi
12年 4月，倆口子去了約旦、以色列朝聖，「要一齊去，才有意義！」
12年愛巢一角，放置阿豹靈位，倪震更買了幻彩燈照射，「感覺好像天堂。」
Vivian 紅色綴黑白色刺繡背心裙 $52,800 彩色搪瓷純銀手鈪 $11,150 both Bottega Veneta
Vivian 黑白色綴透明珠片晚裝長裙 $65,800 Emporio Armani 白色綴立體三角緄銀邊手鈪 $6,290 Eddie Borgo from Lane Crawford
Vivian 黑色雪紡黑皮緄邊背心 $25,300 Givenchy by Riccardo Tisci 銀色鏤空透明手鈪 $3,500 Kenneth Jay Lane both from Lane Crawford 黑色雪紡see through長褲連短褲 $6,299 G.V.G.V. from I.T
stinglife 發表在 痞客邦 留言(0) 人氣()
留言列表
{{ article.title }}
