朱璇但求開心健康Hea闖娛圈　朱璇：自己唔啱做明星 @ 娛樂八掛大放送★

但求開心健康　Hea闖娛圈
朱璇：自己唔啱做明星

高䠷靚女的朱璇，08年因參選「國際中華小姐」而入行，做第一份工作後即獲電影新人獎提名，原本前途甚是光明，入得娛樂圈，多數人都會博上位，但原來伊人志不在此，皆因她家庭背景好，父母從小教她要有健康快樂人生，難怪朱璇只有一條事業線，沒有半點事業心。

在法國讀大學時修讀戲劇的朱璇，加入無綫後多數在劇集做配角，其實兩年前她入行的首項工作，已在電影《淚王子》任女主角，並獲香港電影金像獎最佳新演員提名，雖沒得獎，但朱璇反覺是好事，她坦言向來缺乏自信，有提名已是肯定，為她增加不少自信：「咁快攞獎會飄飄然冇咗方向。」讀書時朱璇希望到國際級影展見識，所以她憑《淚王子》去了威尼斯影展已感滿足：「冇諗過要大紅大紫，覺得自己唔啱做明星。」

條件不遜紅花旦
論外形，朱璇不遜於任何一位當家花旦，也是網民心中的女神，但她卻沒野心：「呢方面有啲隨緣，唔進取係我缺點，一開始就有電影拍已經好滿足。」朱璇生於小康之家，父母讓獨生女走她喜歡的路，朱璇說：「父母話只要我開心健康就夠，仲想我揀自己想行嘅路，話千祈唔好人生空空白白乜嘢都唔識。」朱璇現活得自在，一年工作幾個月，閒時去遊玩，半年工作，半年休息，她笑言：「早排拍《女警愛作戰》見周麗淇咁忙，我心諗：我收工喇，你哋繼續啦！我覺得自己好好，唔覺得做女主角就好，勉強冇幸福。」

搵男友要似父親
感情方面，朱璇多年來的緋聞男友只有湯臣太子爺湯珈鋮，她說：「唔知點解越嚟越鍾意獨處，喺屋企聽歌睇書睇電影幾好，有時都想搵個人陪，但如果唔鍾意就冇意思。」其實朱璇一向欣賞父母的恩愛，故很仰慕父親，找男友也以父親做標準。採訪：羅美倫攝影：陳慧安場地：鐵板燒海賀（The ONE）服裝：AF Elegance

朱璇（右）入行首項工作是與范植偉等拍電影《淚王子》，其表現令人眼前一亮。劇照