背囊羅仲謙呢個黑橙色高筒背囊並非大brand，而係無綫遊戲節目經常送出嘅「FX Creations」，佢話：「唔記得幾錢喇，不過背囊最緊要實用，唔使花巧！」

《忽周》上期開始新增「小特搜」欄目，專門摷藝人私家隨身物，反應空前熱烈。今期被搜刮的，是男人妒忌、女人愛極嘅大隻仔羅仲謙。近日忙拍新劇《巴不得媽媽》嘅佢，原來每日都孭住特大背囊開工。內裏袋住嘅，並非大隻佬奶粉，而係一系列護膚品同零食，嘩！分分鐘姿整過楊怡喎！

 
袋中有袋謙仔將唔同種類嘅物品放喺一個個化妝雜物袋內， 其中一個裝滿fans送嘅零食，「搵嘢嘅時候都方便啲。」

17件法寶
白色化妝袋中裝滿17種護膚同清潔用品，「我好注重保養皮膚，加上依家高清拍攝，真係要執得整齊啲！」


面膜「帶定三種面膜開工，有美白、補濕同收細毛孔，捱更抵夜之後，喺廠等埋位嗰陣時敷。」潔膚系列洗面膏、卸妝油、補濕面霜、潔面礦泉水同梘液一應俱全，「每支都好細支，拍嘢日曬雨淋又化妝，皮膚好傷㗎嘛！」棉花棒除咗護膚品，謙仔連膠布、棉花棒等個人衞生用品都帶埋， 「呢啲都好細件啫，以備不時之需。」

加工劇本
拍劇，當然劇本不離身，不過謙仔嘅劇本就零舍色彩繽紛。謙仔喺自己有份嘅場口貼咗唔同顏色標籤，「咁樣一揭就可以揭到有我戲份嘅場口。」

四色改造
揭入第三集第17場戲， 謙仔用咗四種唔同顏色嘅螢光筆去分別劇本細節。綠色係時間、地點、人物嘅基本資料；藍色O.S.係唔使出鏡嘅對白；粉紅色係動作；黃色係出鏡嘅對白。好有心機呀！


女友楊怡睇袋都知你細心喇！（設計對白） ####

 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄