上周六（5日）凌晨一點，阿倫和志偉等一班尹佬生前波友約埋到土瓜灣食消夜，席間坐在阿倫身旁的米雪滿面愁容，神情哀傷，記者更聽到她感嘆說：「一到呢啲時候就好煩，仲係好掛住佢。」阿倫即時拍拍她膊頭忙加安慰。

前年二月，尹志強因鼻咽癌離世，與他相戀廿六載的米雪，每逢男友生忌死忌，總勾起愛人的種種甜蜜回憶，表面硬淨的她，情緒便會變得異常低落。
上周二（1日），在尹佬生忌當天，米雪大清早便到荃灣西方寺拜祭男友，更連續拜祭三日。上周六（5日）深夜，阿倫、志偉等一班尹佬生前好友，相約米雪敍舊。其間記者見心事重重的米雪，幾杯到肚後含淚說：「仲係好掛住佢！」相隔兩年，看來米雪依然未放得低。

 
米雪與尹佬相戀廿六載，前年2月， 尹佬最終因鼻咽癌離世。據知尹佬在生前曾多次向米雪求婚，而女方亦承認近年每逢自己生日，男友總會送上戒指求婚，但每次她都婉拒。據米雪身邊友人透露，原來米雪非常後悔未能成為尹太，「米雪個人好好，好硬淨，佢驚自己有嘢做得唔好，所以一直唔同尹佬結婚。佢成日話：『唔想用張婚書束縛大家，如果有咗名份， 好多嘢理所當然，做得唔好會好有壓力。』不過自從尹佬走咗之後，米雪表面堅強，但其實自己收收埋埋唔開心，唔想我哋班朋友擔心佢。不過佢都曾經講過， 話冇同尹佬結婚係呢世人最大嘅遺憾。」

老友輪流陪
剛過去的勞動節（上周二）是尹佬生忌，原本在橫店拍畢新劇《大太監》後，米雪便要緊接拍大陸劇《新白髮魔女傳》，但她為了趕回港在男友生忌當日到靈前拜祭，主動向劇組請假兩星期。尹佬生前一班老友曾志偉、譚詠麟及苗僑偉為開解阿嫂，上星期亦輪流陪米雪到尹佬靈前拜祭。上周六（5日），阿倫與杜麗莎在無綫錄影音樂會《譚詠麟杜麗莎party 2gather》，志偉與一班好友便拉埋米雪去睇騷輕鬆一下。完騷後接近深夜12點半，志偉阿倫等人拉大隊到土瓜灣一串燒店落半閘包場消夜，甚少夜蒲的米雪亦被眾人游說一同出席。

狂隊酒解愁
現場所見，米雪顯得心事重重，不時緊皺眉頭發呆，更多次唉聲嘆氣。少有飲酒的她，更喪隊白酒溝紅酒。在酒精催化下，平日堅強的她亦變得軟弱， 記者聽到她含淚感嘆：「呢啲時候就好煩，仲係好掛住佢……冇佢喺身邊 ……好想搵人分擔下。」

阿倫笑話番
此時，原本在隔籬枱招呼朋友的阿倫，即走近拍拍米雪膊頭說：「阿嫂，唔使愁喎！萬大事有我哋班兄弟撐住！」更與同枱的志偉唱雙簧引米雪笑。阿倫其後再擺志偉上枱， 以對方的醉貓樣來做笑柄。志偉亦配合扮醉樣米雪開心，有兩個大細路喺隔籬，米雪此時才再現歡顏。記者曾致電米雪，她透過助手回覆說：「其實尹生嘅所有嘢都在心中，唔需要講出嚟！」

生忌死忌靈前供奉
尹佬離世兩年，每逢生忌死忌，米雪都會一早到西方寺靈前，親自為男友打點一切。 ####

 


米雪一直遺憾沒有跟男友結婚，現時米雪手機內有多張二人的甜蜜合照。米雪曾說：「無論我喺邊，每當一想起尹佬，都可以隨時見到相入面嘅佢……我根本冇當佢離開過我。」《蘋果日報》圖片


志偉阿倫輪流
見到米雪心事重重，阿倫便狂窒同枱的志偉，而志偉亦配合做鬼馬表情，兩兄弟成功引到米雪（箭嘴）笑。


杜麗莎與苗僑偉在食店逗留至凌晨兩點才離去，臨行前他們均親暱地叫米雪：「阿嫂再見。」


好友陪到尾


向來不愛熱鬧的米雪，盛情難卻下，雖然有去看音樂會，但卻選擇坐後排，低調捧場。


上周六阿倫與杜麗莎搞音樂會，志偉拉隊去撐老友場。臨完場，眾人還上台大合唱。


去年尹佬生忌當天，米雪在大清早獨自前往西方寺拜祭男友， 除了帶祭品更帶了一件波衫到場致祭。


前年尹佬因鼻咽癌去世，米雪以未亡人身份為男友打點喪禮。《壹週刊》圖片

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄