心事重重
出港鐵後,陳嘉桓繑住母親向萬邦行方向行,陳嘉桓拉住阿媽身體向後傾,似乎唔係好想去。難怪短短5分鐘路程,陳母都行到身水身汗啦!

滾熱辣 陳嘉桓(Rose)去年11月在橫店被陳浩民、馬德鐘狼吻,事隔半年,狼吻後遺症一直纏繞她。加上母親今年2月辭職,令陳嘉桓有感要孤身作戰。
據知陳嘉桓近月情緒不穩,不時喪喊和失眠,患上抑鬱症。上周一(4月30日),本刊終發現她在其母陪同下,到中環萬邦行一精神科醫生診所覆診。19歲女搞成咁,兩隻狼有冇內疚過?

 
擁有甜到漏笑容、43吋長腿的陳嘉桓(Rose),去年在橫店拍戲慘遭陳浩民和馬德鐘狼吻。事後陳浩民局住公開道歉,馬德鐘又出盡招數企圖去除污名,而陳嘉桓亦被師傅冼國林兜巴星大鬧「死蠢」,可謂三家都輸。
事隔半年,陳浩民女都生埋,馬德鐘亦掂老婆繼續北上搵人仔,可憐受害人陳嘉桓卻患上抑鬱症。據陳嘉桓身邊好友透露:「Rose自從嗰件事後開始唔妥,以前佢好鍾意食嘢,依家愈食愈少。對住屋企人,或者好friend嘅朋友,好小事就發脾氣,仲會失控狂喊,而且晚晚失眠,黑眼圈愈來愈嚴重。」陳嘉桓最初對睇精神科醫生極度反感,因她覺得自己無問題,後來她愈來愈瘦,脾氣大到一發不可收拾,最後由母親勸服接受治療。由於狼吻事件令陳嘉桓對男人失去信心,故友人特意向她介紹了一位女醫生。

壓力令病情惡化
上周一(4月30日),陳嘉桓中午出席一個遊戲機活動,完騷後趕返美孚寓所會合母親,然後到中環萬邦行,直上9樓的診所。陳嘉桓由其母代為登記後,等了十分鐘左右,護士便叫陳嘉桓入診療室見醫生,會面近一小時。其友人續說:「Rose喺3月初第一次睇醫生,佢話醫生開藥俾佢,又同佢傾偈,一個鐘診金要三千蚊。醫生話佢患咗抑鬱症,主因係長期精神受壓,加上受到大打擊而冇人同佢分擔,屈埋屈埋所致。好彩唔算好嚴重,依家用藥控制住情緒,進行心理治療,仲要定時寫報告俾醫生睇。」事實上,壓力亦來自老闆冼國林,近半年冼國林對陳嘉桓管束更嚴厲,今年一月陳嘉桓被雜誌影到與陳雅倫因拍戲而被封為「大姣、小姣」,又與米雪外甥徐偉棟玩得太埋,而遭冼國林破口大罵:「四圍發姣!」更下令她以後不可再與陌生男人影相。與此同時,本來為冼國林公司打工的陳母Ronnie,為了專心照顧女兒,亦辭去經理人一職,但此舉反而令陳嘉桓壓力大增,有感要獨自承受公司壓力。

精神科醫生:嚴重會有自殺傾向
狼啜事件令陳嘉桓精神受創,事隔半年仍會想起橫店的慘痛經歷。據精神科醫生朱立新表示:「若受害人曾經被性侵犯,事隔半年後仍然有陰影,有機會係創傷壓力後遺症,可能會導致失眠、發噩夢。嚴重者會患上抑鬱症,甚至會有自殺傾向。有少數受害人會因曾被性侵犯,對異性失去信心而轉變性傾向,建議盡快向精神科醫生求診。」

親密繑TB
工作頭頭碰着黑,老闆又下令唔可以再與男人影相,陳嘉桓身邊的朋友就只得女性,甚至引來不少TB埋身。上周三(2日)下午陳嘉桓以熱褲出動,先獨自到屯門辦理回鄉證,之後坐小巴入元朗會TB好友大吐苦水。據知該TB叫王美莉,與陳嘉桓同齡,兩人是中學同學,同在元朗長大,感情深厚。無業的王美莉間中會相約陳嘉桓出街解悶。早前陳嘉桓抑鬱症最嚴重的時候,她經常陪伴左右。飯後二人繼續漫遊元朗,其間陳嘉桓毫不避忌繑住TB手臂傾偈。

5月2日 元朗會TB

承認狼吻留陰影
本周二(8日)晚,陳嘉桓回應睇精神科醫生時表現愕然,隨後推說:「我陪屋企人去咋!(聽到護士叫你個名喎!)你唔好問啦!我唔識回應呀!(係咪睇抑鬱症?)真係唔回應喇!(狼吻事件對你仲有冇影響?)都仲有陰影,心理上需要調節,依家唔係好敢行埋男人身邊,冇乜信心。(所以鍾意女仔?)唔會!(影到你同一個TB好親密!)我估你哋見到我同好朋友咋,我真係咩都會同佢講㗎!(師傅冼國林仲有冇鬧你?)……佢之前都係緊張我所以鬧我啫!(你少咗工作喎。)呢啲你問番公司啦!」向來記者問藝人此類敏感問題時,經理人大多會出口幫忙,或者在旁傍實以防講錯說話,但一直企在陳嘉桓身邊的新經理人Theresa,聽完記者問第二條問題後竟突然行開,到遠處找同行吹水,可見公司對陳嘉桓的緊張程度明顯大減。而記者與陳嘉桓傾談的幾分鐘內,雖未有感到她精神狀態有異樣,不過近望之下,她面上確有不少壓力瘡。希望時間能沖淡心靈創傷,經治療後,陳嘉桓可重新振作。

狼吻事件轟動一時
去年11月,有周刊圖文並茂報道陳嘉桓在橫店拍攝電影《笑功震武林》時,與同在橫店拍劇的陳浩民和馬德鐘唱K、消夜。消夜期間陳馬二人竟在餐館內借醉,對她喪攬與狼啜,非常猖狂。事件被揭發後轟動娛樂圈,陳嘉桓即返港開記招,揚言一心以為應約與前輩吃飯,沒料被兩人非禮,當時亦不懂得應對。馬德鐘事後發聲明,強調並無非禮陳嘉桓,只是保護對方,並保留法律追究權利,轉軚做污點證人。陳浩民則博同情,拖大肚老婆蔣麗莎開記者會公開向陳嘉桓道歉。之後女兒出世,陳浩民不時抱女出街望洗底。至於返港後一臉憔悴往警署報案的陳嘉桓,其師傅兼老闆冼國林最後表示原諒陳、馬兩人,事件再沒下文。不過陳嘉桓從此與陳、馬劃清界線。

微博展現喜與哀
只有19歲的陳嘉桓,每天都在微博update近況。不難發現她的情緒起伏很大,有時開心得哈哈大笑,有時卻顯得愁眉不展。少女心事,真係難捉摸! ####

 


媽咪陪住
上周一(4月30日),陳嘉桓和母親Ronnie離家乘港鐵到中環,其間兩母女不停玩手機分享apps。記者發現母女二人用埋同一款手機,friend過打band。


本周二晚(8日),陳嘉桓出席活動時回應去睇精神科醫生一事,經理人Theresa突然行開搵朋友吹水,由得陳嘉桓獨自回應。


獨力回應


嚴師有理
陳嘉桓15歲已簽俾師傅冼國林,向來聽教聽話的她自狼吻事件後更加自律,可惜年初在雲南拍劇與陳雅倫、徐偉棟玩得太埋而再被師傅大罵「四圍發姣」。師傅鬧你都係想你好啫!《蘋果日報》圖片


叉腰覆診到達診所,陳嘉桓表現得好攰,由其母出口代為登記,陳嘉桓更一直叉住腰。


精神科醫生記者翻查資料,陳嘉桓幫襯位於中環萬邦行的精神科醫生鄭秀玲,隸屬香港私人執業精神科醫生協會會員,收三千蚊一個鐘。


阿伯狂上周三(2日),陳嘉桓到屯門中旅社換回鄉證,着住熱褲晒43吋長腿,連前面排隊的伯伯都忍唔住狂。


溫馨自拍之後陳獨自入元朗,在大牌檔與中性打扮的王美莉撐枱腳。她們唔多避忌,互相夾餸、抹汗兼擺pose自拍,儼如小情侶。


兩小無猜喺元朗劇院嘆冷氣期間,原本講緊電話嘅陳嘉桓被對方強搶電話爭住傾,身體接觸摸手仔在所難免。


繑手護送晚上九點半左右,陳嘉桓不時望錶。15分鐘後,陳嘉桓一手繑住TB好友步行十分鐘到小巴站搭車返歸。TB等到小巴開走至離開,有風度喎!


報警《蘋果日報》圖片


殘樣開記招《蘋果日報》圖片


唔認係狼


喊住認錯《蘋果日報》圖片


童顏爸爸陳嘉桓雙親雖然已離婚,她跟媽媽生活,但與爸爸感情非常好,經常一齊行街睇戲。陳爸爸咁後生,話係男朋友都有人信。


潮爆媽媽陳嘉桓與媽媽Ronnie像兩姊妹,母女無所不談,不時交流美容打扮心得,絕無代溝。


抒發情感直腸直肚的陳嘉桓,不時在微博post自己的素顏相,唔開心時仲會呻兩句,有感而發。


失眠暴躁因情緒困擾導致經常失眠的陳嘉桓,亦曾在微博表現得非常忟憎,原來唔夠瞓令玉女牙肉腫痛。


問快樂是甚麼?就算內心有幾唔開心,陳嘉桓在鏡頭前都極力擠出笑容。早前她更在微博問「甚麼是快樂?」看來她自己都找不到答案。

arrow
arrow
    全站熱搜

    stacylife 發表在 痞客邦 留言(0) 人氣()