曾幾何時，寶島創作歌手「假鬼佬」啲歌唱到街知巷聞，喺香港都hit過一排。唔少人仲話，依家紅遍中港台嘅「總經理」，啲曲風都受佢影響㖭！不過，相比歌影雙棲嘅「總經理」，作為前輩嘅「假鬼佬」就落後晒，所以佢近排決定要發力收復失地。第一步，就搵咗中港兩地都吃得開嘅著名經理人「飲杯勝」，幫手搭路去強國拍戲。

 
想喺強國發展，大家都知無酒唔使傾！所以「飲杯勝」就約咗強國某大院線老細同「假鬼佬」去夜店，諗住開番支靚酒，大家摸住酒杯底慢慢斟。呢個如意算盤原本打得幾響，衰就衰在「假鬼佬」酒後亂性，目中無人， 竟然同院線大老細講，話自己紅到爆，返大陸拍你哋啲大陸戲係你嘅福分喎。嘩！阿創作歌手真係飲大咗囉！居然敢喺強國嘅夜場，同人哋講啲咁嘅嘢？So，大老細二話不說， 就攞起枱面個酒樽，扑咗落去「假鬼佬」個頭度。跟住點？俾人爆樽喎！佢當堂醒晒，自己截的士去醫院包紮，仲飛返寶島收埋自己一排療傷，聲都唔敢出呀。強國喎！唔係香港呀。Call公安？你係胡錦濤或者溫家寶先work㗎噃。 ####

 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄