大婆台阿姐「水鴨」嘅拍劇是非真係講極都講唔完！個個拍檔都同佢傳不和，連出名好脾氣、極少有是非嘅藝人亦俾佢罵。當然，「水鴨」例牌唔認數，猛話係其他人搞是搞非，又話有傳媒鍾意作古仔。

 
媽咪姐呢， 從來覺得空穴來風，未必無因。就最近之嘛，又有電視台二五爆料，話「水鴨」原來唔止對人惡死，仲鍾意「生人霸死地」㖭！話說劇組耐唔耐就會移師去商場取吓景， 咁啲商場公關亦好識做，會醒番幾個免費泊車證俾劇組，等啲揸車返工嘅藝人可以慳番筆。大家知「水鴨」出名惡，梗係第一時間攞證俾佢，點知呢位阿姐一句：「我有用呀，攞晒嚟啦！」就擸晒人哋手上嗰幾個泊車證。當時公關妹妹都呆一呆， 心諗，「水鴨」揸一部車嚟啫，要咁多個證，「集郵」咩？而其他藝員見到呢個情形，梗係火滾啦！但又費事同佢嘈，你知啦！嗌交傷聲，睇醫生貴過泊車費㗎嘛。大家咪當呢次豪俾「水鴨」，不過就同監製講明，以後再拍劇，有佢無我！ ####

 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄