數百萬靚酒
Kenny家中，最矚目是其書房內的兩個恒溫大酒櫃。眼看着二百多支頂級香檳及紅、白酒，總值逾數百萬元，他不時以專家口脗逐一介紹，自己亦樂在其中。
3支全球最頂級香檳；（左起）SALON，約$6,000；CRISTAL，約$7,000；KRUG，約$28,000。Kenny說：「呢支KRUG出面已經冇得賣，而CRISTAL以前係俾皇帝飲㗎！」
3公升巨型香檳是拍賣所得，一直放在Kenny所開的食肆內。Kenny說：「有次發哥（周潤發）喺我間舖頭食完嘢，隨手拎起支筆就簽個名落去，嚇到我啲店員冒汗。其實我唔介意，因為佢係發哥。」
全屋的牆身、樓梯轉角位，幾乎貼滿Suki、Kenny和兩位千金的照片。
搬了新居後，Suki和Kenny會趁兩個囡囡瞓覺時，到天台看海觀星睇日落，爭取享受二人世界。
天台環境空曠，傭人每天都會把翠綠的草地整理乾爽，兩個囡囡可在私人遊樂場玩耍，自由自在唔使外出同人逼。
佔地200呎的後院，空氣清新，是Kenny經常請朋友回家BBQ、歎紅酒的地方。加埋一張戶外搖搖椅，甚有外國家居feel。
Suki喜歡小動物，由於忙着湊兩個囡囡，冇時間飼養寵物，惟有在戶外放置寵物擺設，望梅止渴。
金屬外形的擺設既高貴又凸顯長頸鹿的可愛，這是Suki和Kenny到東非旅行時所發掘的。Suki表示是家中無價寶，現放在後院近門口位置。
Kenny與Suki表示新居的環境及配套盡善盡美，現在多了時間留在屋企。此為客廳另一邊。
兩位千金Vianna（左）和Renee是Suki和Kenny的金叵羅，搬屋大前提都是希望兩個女兒有更多地方走動。
二樓全層是囡囡的小天地，各式各樣的玩具整齊擺放在深棕色桃木櫃上，有如迷你玩具反斗城。
新屋雖大，但Suki與Kenny最愛逗留的地方，便是囡囡這個小天地。訪問當天，大女Vianna跟了嫲嫲去印尼探親，得意可愛的幼女Renee，這幾天便可獨擁媽咪爹哋的寵愛。
一樓客廳布置簡單光猛、整潔是男主人首要條件。Kenny說：「呢度本來係示範單位，格局已經有四大風水師睇過晒，仲包埋少少傢俬，唔使買過咁煩。」
書房是Kenny的辦公室，房內同時放置兩個大酒櫃。牆上當眼處則掛着Kenny在studio影的情深款款單人照。
Kenny自小渴望投身警隊，但父母反對家中唯一男丁當危險工作，他惟有儲下不同級別的警察勳章過吓癮。早年有朋友叫他扮警察老臨，他即二話不說應承，「做咗成日臨記，錢都冇收就係為咗影呢張相咋。」
在峇里島旅行時以港幣一千元購入這個銅像，Suki笑說：「我一見到就好鍾意，好難得呢次係我俾錢㗎！」旁邊Kenny即插嘴說：「至弊一買就買咗幾個，個個都咁重，托死我。」
留言列表
{{ article.title }}
