家姐金泰希送咗個7呎高嘅花牌賀細佬「出監」！上面寫住：「辛苦了，恭喜退伍！」

韓國藝人李莞（原名金亨洙，係韓國「第一美女」、拍《天國的階梯》成名嘅金泰希親細佬）於23號服完兵役退伍，當佢離開首爾龍山區國防部時，家姐金泰希冇嚟接佢，但就送咗個勁大嘅花牌祝賀，軍中好多隊友都有嚟道別。


現場所見，當日嚟「接駕」嘅粉絲竟然唔及現場採訪嘅記者多，只得十零個，相比起早佢兩日退伍嘅強仁（Superjunior成員）有六百幾個die hard粉絲「接駕」，李莞嘅支持者又真係少得可憐。睇怕佢退役後，都要掹住家姐金泰希車邊，攞番啲人氣先得咯！ ####


小貓幾隻媽咪姐數咗8次，呢度真係唔夠廿個fans。其實阿細佬會唔會諗吓轉行呢？


600兵團 SJ成員強仁退伍時，啲fans多到似開嘉年華，連台灣都有fans嚟，勁！


加油！家姐唔會放棄你㗎。（設計對白）金泰希今年32歲，依然皮光肉滑，啱啱TVB先播完佢套電視劇《我的公主》！


之前，金泰希曾入營探細佬，仲簽咗2000張名片俾佢送俾隊友做人情。2000張喎！姐弟情深呀。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄