04年嘅呢個星期，朱麗倩難得出街，托腮細聽一班粉絲講嘢，一臉溫婉。識得愛屋及烏，先可以做「天王背後的女人」！

當年今周  

我媽咪姐成日都話，呢個世界真係好公平嘅。好似今時今日朱麗倩有天王劉華包診所陪做產檢，幸福滿瀉，羨慕死萬千盛女 ！但八年前嘅呢個星期（04年5月），隱閉淑女朱小姐出街同劉華fans食糖水都驚驚青青，因為怕俾傳媒影到天王會唔like。之後幾年，佢依然神出鬼沒，大家只能間中見佢出動掃減價抽濕器，或者去佛堂誠心求子。港女最like嘅買衫睇戲clubbing？朱小姐從來dislike（定天王dislike？）。咁樣犧牲同堅忍，你，得唔得先？

 
檔案編號：458期檔案日期：2004.05.07

04’
04年嘅呢個星期， 朱麗倩同劉德華歌迷會幹事， 仲有幾個華仔波友兼粉絲，去咗銅鑼灣食糖水做消夜。其間佢警覺性極高， 不停望出街，好驚有人影佢， 想食啖安樂糖水都唔易！

06’
朱麗倩係堂堂天王嫂，但出名知慳識儉。06年，《忽周》難得又見佢「出巡」，竟然係去旺角雜貨舖買減價抽濕器，仲要左睇右睇先扑槌！

10’
前年9月，44歲嘅朱麗倩山長水遠去到筲箕灣祥德寺拜佛，希望為劉家繼後香燈，今日終於心願得償。

11’
上年4月，做咗大馬姑爺嘅劉華， 陪朱麗倩返家鄉拜祭亡父朱金城。即使沿路被記者包圍，劉華仍不避嫌對老婆噓寒問暖。呢啲咪叫修成正果囉。

 
老婆，你真係幾時都咁抵錫！（設計對白） ####

 


左至右劉華歌迷會幹事 Maggie 劉華fans兼波友朱麗倩

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄