照抄 LV

《忽周》「小特搜」今期開鑼！藝人平時出席活動、埋位拍劇都兩手fing fing，好似身無長物咁，查實佢哋嘅私物都好特別㗎。媽咪姐決定深入無綫化妝間，突擊摷吓藝人嘅貼身物品。愛chok又貪靚嘅伍姑娘，抄足LV整咗個紅白藍袋，入面裝住開工三寶；而TVB第二筍盤馬國明都有個走佬袋隨身，裝住大疊劇本，抵讚！

伍姑娘至愛紅白藍
媽咪姐喺化妝間突然見到個古裝人，拎住一個size奇怪嘅紅白藍行來行去，睇真啲，原來係伍姑娘！媽咪姐讚佢個袋夠鬼馬，佢豎起手指公話：「拍劇見到公司有好多紅白藍袋，已經好鍾意，所以我就拎走一個大嘅，叫師傅跟LV一個袋款照做，車咗呢個獨一無二袋仔！」記者親手摸過特別版紅白藍，比起街邊買嘅仲要堅韌，而且好的骰。伍姑娘出名貪靚，隨身物件仲有個化妝袋，不過為免幫化妝品牌賣廣告，佢唔想逐一介紹。平時拍劇，伍姑娘都一定有支暖水跟身，費事拍拍吓要走出去飲水阻住大家喎！

開工三寶

馬明好大袋
成功晉身TVB第二筍盤嘅馬國明（第一筍盤係陳豪），平日甚慳家，用來用去都係呢個千幾蚊嘅agnès b.大走佬袋。佢話：「出面掛咗好多fans送嘅鎖匙扣，個個都好靚唔掛唔得。袋入面長期有一支蘆薈，大家都知我個人好dry，所以要成日搽，哈哈！而劇本就一定要帶啦！（使唔使帶晒成本劇本？）梗係要啦，我仲有筆袋㖭呀！」馬明走佬袋其實仲有車書同記事簿等。只可以講，筍盤都係悶啲囉！ ####

 


LV Saleya


化妝袋


iPhone


暖水壺


file裝劇本電話袋記事簿車書


補濕蘆薈


銀包(內有3千cash)


cute爆筆袋

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄