I love this city!（真實對白）
Lady GaGa喺酒店門口玩親民，對fans揮手送吻晒紋身，仲差啲仆親！

呢個星期全球熱爆嘅美國天后Lady GaGa襲港，引嚟全城哄動，大家就知woman power有幾勁！總之姊姊妹妹站起來，有嘢唔好收埋，大晒特晒！鍾意邊種？呢度無「中央欽點」㗎，自己揀。

Lady GaGa晒A貨
上周六（28日），美國天后Lady GaGa到港，排場誇張到暈！身邊有大堆保鑣、工作人員傍實外，仲帶埋替身掩人耳目，等佢day day偷走出街玩，都無俾人影到。A貨GaGa行頭都唔弱㗎！手拎YSL靚袋，身光頸靚，絕對係A貨中嘅極品。

鄺美雲晒善心
出名善心向佛嘅鄺美雲（Cally），上周六（28日）到維園出席佛誕嘉年華。為咗呢個活動，Cally實行做埋義工，晨早帶住「乖仔」Cash同Euro，由籌備到綵排，「一家人」全程跟到足。當日佢仲開埋金口，上台唱《大悲咒》㖭。

陳靜儀（Mia）晒科技
周日（29日），模媽Mia（陳靜儀）出席車行開幕禮。無見一輪，佢又變靚咗，眼大、鼻特高、尖爆下巴，成個網絡虛擬女主角咁款。當然啦，佢話係用咗名牌化妝品同減肥，絕對絕對無整容喎！化妝可以變成咁？Woo，模媽嘅技術真係帶領人類跨向美容改革新一頁呀！ ####

 


同場嘅丁子高（左一）向Cally（右二）合十打招呼，仲話千嬅都想嚟，但佢叫老婆大肚就要瞓多啲，果然係緊張大師。


30度尖角


Mia（左二）同其他模企埋一齊，下巴尖到可以拮魚蛋！老實講，其他人塊面呢，都經過唔少「努力」，但論角度，梗係模媽win啦。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄