左右護法 Flora同菲傭猶如左右護法保護女兒去書店，其間阿女想鬆開手自己行，但Flora堅持拖實，搞到阿女扭晒計。

近日英基國際幼稚園發生企圖綁架案，搞到各家長人心惶惶。陳慧珊（Flora）四歲女鍾律然都喺嗰度讀書，所以Flora同老公鍾家鴻決定採取人盯人方式送囡囡返學放學，就連人多嘅地方都唔可以鬆懈。周一（4月30日），媽咪姐撞到Flora兩母女喺ifc行街，Flora見人多擠迫，如臨大敵抱實個女唔放，戒備性十足。


早前就有雜誌戲言，即使綁架都唔會波及Flora個女，皆因佢老竇破咗產喎。媽咪姐睇到好嬲呀！保護子女係父母天性，有錢冇錢都應該肉緊嘅！ ####


抱實睇象 Flora同個女去睇長毛象展覽，由排隊、觀賞到離開，Flora全程抱實囡囡唔放，非常安全。


唔肯放手 Flora之後索性抱起阿女睇書，情願花氣力都唔想阿女走失。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄