上星期有網友喺「長隆」撞到思琦，即刻將佢張谷奶相放上微博，話佢身材勁！之不過，佢條腰同下盤比起「索女期」粗咗成兩個圈呢。

今年2月，楊思琦喺美國誕下囡囡楊卓穎（Kaystal），隨即宣布飛甩空心老倌嘅經手人吳帥，做單親媽媽，搵錢養女。

 
上周二（24日），佢就俾無綫安排咗去廣州4日拍「長隆水上樂園」特輯。未收身嘅佢，即使着住一件頭泳衣加短褲，由於谷緊奶，與其他三點式嘅後生女一拼埋，效果依然澎湃，一啲都冇輸蝕！思琦同媽咪姐講：「我就生Kaystal嗰時，有成140磅，生完都有129磅，跟住餵人奶，又喺屋企扭吓腰，都減咗啲。但依家一百一十幾磅，要再減多十幾磅，先回復以前嘅磅數（97磅）呀！」減肥咪唔夠營養餵人奶囉？「媽咪每日都煲湯俾我補，有冬蟲草、鹿茸同人參等，要補足一百日。但我最想有纖體公司搵我，有多啲贊助。奶粉錢好貴囉！」唉，楊小姐依家上廣州拍4日先得6千蚊騷錢咋，仲要買冬蟲草呢！真係要諗諗計嘞。 ####

 


索女期


同場嘅（左起）蔡慧欣、李雪瑩、李思雅、胡中慧同袁嘉敏都三點式任睇，惟有楊思琦着一件頭。好彩，個胸仲頂得住！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄