變變變，《忽周》又變呀！今次我媽咪姐就最有face，一加加到20版，偷拍及勁料加大碼之餘，再同大家拉開明星個私家bag，八吓佢哋飲乜搽乜帶啲乜嘢去開工，又摷埋當年今周嘅猛料，等你八得更有深度更徹底！仲嫌未夠？新欄目「星悅居」帶你深入明星嘅私家重地，地毡式搜索佢哋屋企，360度到最盡。

 
感覺已經夠晒良好？等等，副刊又添新意，孖你用對眼去勻全世界，睇吓杭州建築，又教你一種食材兩種煮法。邊個仲敢話OL同阿太嘅天空，只有電視框咁大？仲有仲有，星級靚太徐淑敏做埋「白老鼠」，親身試勻各種美容偏方，一期一推介，包你靚爆！《春嬌與志明》編劇陸以心亦筆降《忽周》，每期狠批現代男女愛情生態，句句出血，盛女自強必睇呀！

P.S.
咪話媽咪姐唔提你嘞！由今期起，喺5月內儲齊4個不同期數嘅《忽周》「革新超勁賞」印花，就可以參加抽獎。嘩！頭獎係雙人來回倫敦商務機票（總值28萬）！而且參加次數不限，嘩嘩嘩！你見報攤、便利店嘅《忽周》俾人掃晒，就唔使問點解啦。 ####

 


《忽周》又變嘞！你變咗未呀？（設計對白）咪揀番你囉！一係下次變多啲，生埋仔嘞。（設計對白）

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄