姐姐仔,地鐵站點去呀?﹙設計對白﹚問路嘅婆婆肯定唔認得呢個露出白滑肉腿嘅姐姐仔原來係賭王個女。

最近天氣開始回暖,早幾日,keep住肥嘅四太女何超盈已經急不及待換上短褲、婆仔鞋現身銅鑼灣。超盈無懼一雙肥美肉腿暴現人前,媽咪姐唔敢講佢對肉腿吸唔吸引到男人,不過就好肯定吸引到個阿婆!


話說當日下晝3點幾,超盈喺無保鑣下一個人行街街,佢去I.T買完嘢行到利舞台時,有個婆婆問佢地鐵站點去?超盈手口並用引路,婆婆好似唔多明白,講講吓有個女人插嘴幫口。超盈貴為何家千金,平時應該好少搭地鐵,不過佢依然咁熱心「指路」,完全無架子,真係抵讚! ####


前邊直行嘛!﹙設計對白﹚少搭地鐵嘅超盈自己都烏sir sir,但依然好細心向婆婆教路。


喺嗰邊轉彎先啱呀!﹙設計對白﹚雞同鴨講一輪後,好彩有熱心師奶幫口,原來呢個世界好心人都唔少㗎。

arrow
arrow
    全站熱搜

    stacylife 發表在 痞客邦 留言(0) 人氣()