冇化妝嘅黎瑞恩，雖然已經39歲，但依然keep得唔錯。

數吓手指，原來小恩子（黎瑞恩）已經做咗10年少奶奶，閒時出席吓慈善活動，上吓微博過日辰，但其實佢都有做吓家務㗎！


早幾日，媽咪姐就見到素顏小恩子，湊住大女曾凱栭去超市shopping。小恩子全程阿mon上身，指指點點叫工人姐姐攞呢樣、攞嗰樣，最後去到收銀處，小恩子負責俾錢，工人姐姐就將食物不斷塞入膠袋，鬼咁合拍。不過媽咪姐就覺得，既然一心諗住嚟超市掃貨，點解唔自備購物袋，又或者直接將食物放入車，慳錢之餘又慳膠袋呢？ ####


除咗工人姐姐，小恩子都有幫吓手將啲食物搬上車，仲親自推番架車入超市。環保意識少啫，公德心仍有， 算係咁啦。


周日（22日）黎瑞恩仲話出席環保活動，唔知佢有冇諗到少用膠袋，身體力行支持環保呢？



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄