得閒烚條菜，行血有風采。（設計對白）

出爐金像獎「最佳男配角」盧海鵬一向開工輕輕鬆鬆，冇乜隨身物品，唯一要帶嘅就係電飯煲。原來盧海鵬身患糖尿病，拍電影雖然有飯盒提供，但來來去去不外乎叉燒、燒鴨或者乳豬飯，鬼咁肥膩。家下鵬哥自備私家煲，閒時可以煮吓麵，淥吓菜，甚至滾埋豆腐湯都得，真係健康得多。


不過成日帶住個煲，唔麻煩咩？盧海鵬哈哈笑咁話：「冇乜麻煩呀！個飯煲我同工作人員一齊用嘅，佢哋用完自動自覺幫我洗乾淨。」嘩，食完唔使洗，咁梗係好啦。 ####


盧海鵬患上糖尿病已經25年，為控制病情，佢開工時會自備飯煲，烚菜又得、煮麵又得，相當方便。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄